Accessibility links

Breaking News

FIFA Frape Togo yon Amand


Football

FIFA frape federasyon football Togo a yon amand 81 mil dola apre jwè yo te menase pou antre an grèv pandan koup du mond Almay 2006 la. FIFA fè konnen komite disiplinè òganizasyon football entènasyonal dekri konpòtman delegasyon footbal Togo a pat konfòm kòm patisipan nan yon koup du mond. Dirijan ak jwè yo te mele nan yon diskusyon sou peman bonus. Antrenè seleksyon an Alman Otto Pfister te menm kraze yon kite sa apre jwè yo pat prezante nan seyans dantrenman pandan negosyasyon yo tap rapousib. Msye te retounen nan tèt seleksyon apre premye rankont la. Situasyon an te vinn pi grav apre jwè yo te refuze ale nan Dortmund kote yo ta pral rankontre ak la Swis 19 Jwen. FIFA te oblije entèvenu pou konvenk yo. Federasyon an gen jusko 2 Septanb pou l ale an apèl. FIFA di amand la te kapab pi elve men responsab football Togolè yo te prezante ekskuz yo e rekonèt erè yo.

Klub Olandè Ajax Amsterdam ap rankontgre ak klub Norvejyen IK Start nan premye tou koup Unyon Football Europeyen an. Ajax pat kalifye nan Lig dè chanpyon Eropeyen an apre lite pèdu devan klub FC Copenhagen nan 3 zièm tou preliminè a. Nan lòt rankont Seville prale lakay klub Grèk Atromitos FC. Klub Italyen Parme ak jwe kont klub Rus Rubin Kazan. Shalke 04 kont klub franse Nancy. Premye tou a fikse pou 14 Septanb match retou a fikse pou 28 Septanb.

Federasyon Football Honduras la anule ou byen ranvwaye 5 match premyè divizyon pa respè ak pitit fi yon dirijan football peyi a yo kidnape. Ajans Nouvèl Associated Press di responsab yo ap òganize yon veye nan stad Sabillon an nan Santa Barbara-300 kilomèt kapital la nan onè pitit responsab komisyon disiplinè federasyon an Argelio Sabillon. Otorite yo di kidnapè yo mande 50 mil dola pou liberasyon demwazèl la. Fanmi an mande la polis kanpe lwen nan dosye a.

Atakan Nijeryan Obafemi Martins kite Inter de Milan pou l al jwe nan Newcastle nan yon antant ki vo plis pase 19 milyon dola kòm frè transfè. Responsab yo nan Newcastle di Martins siyen yon kontra 5 kan apre li pase tès medikal e dakò ak kondisyon yo. Martins make 49 gòl pandan 134 rankont li jwe pou Inter de Milan.

Nan lig football balonwon ameriken an demen Samdi D.C United ap akeyi Los Anjeles Galaksi. New York Red Bulls ap akeyi Real Salt Lake. Kolordo Rapids ap fè yon kout pye lakay Chikago Fire epi Chivas USA kont Houston Dynamo.

Volleyball

La Rusi ak Bulgari ranpòte la viktwa nan chanpyona du mond volebòl kapdewoule nan vil Moskou. Moskou te bezwen 5 set pou l kale la Frans. Bulgari, ki suprann Brezil Mèkredi pase, woule Sèvi ak Montenegro. Chanpyon olenpik ak Mondyal Brezil kale Itali nan kad efò kap fèt pou l konsève tit la.

Tennis

Chanpyon an tit Roland Garos bèlj Justine Henin Hardenne ap rankontre ak Rus Svetlana Kuznetsova pandan ke Ameriken Lindsay Davenport pral kwaze rakèt fas Ostralyen Samantha Stosur nan kad semi final tounwa tenis feminen Pilot Pen nan.

Swedwa Robin Soderling pral rankontre ak Rus Nikolay Davydenko nan semi final tounwa tenis New Haven Connecticut la pandak ke Arjanten Agustin Calleri pral kwaze rakèt ak Bèlj Olivier Malisse. Tounwa a sa a konsidere kòm dènye tounwa tenis chofe jarèt avan debu tounwa tenis Gran Shelem ameriken an kap kòmanse semen pwochèn nan nan New York.

Basketball

Faz dechoukaj chanpyona du mond basketball la ap demare demen Samdi lè Sèvi ak Montenegro pral mate balon fas a Espay nan yon rankont gason pa kanpe. Lituani kont Itali epi Turki kont Sloveni. Arjantin kont Nouvèl Zeland. 8 tièm de final la ap rapousib Dimanch lè Almay ap rankontre ak Nijerya. Etazuni kont Ostrali, la Frans kont Angola epi la Grès kont la Chin. Venkè yo ap kalifye pou jwe match kar de final la kap kòmanse 29 Out. Final la fikse pou 3 Septanb.

XS
SM
MD
LG