Atletisme
Kourè Trinidadyen Renny Quow ranpòte kous 400 mèt chanpyona du mond Atletik Juniò kap dewoule nan vil Peken an Chin devan ameriken Justin Oliver ak britanik Martyn Rooney. Bò kote meda m yo Kwat Danijela Grgic ranpòte kous 400 mèt la devan Jamayiken Sonita Sutherland ak Soudanè Nawal El Jack. Kenyan Remmy Limo Ndiwa ranpòte kous mil 500 mèt la. Konpatriòt li Caroline Chepkurui Tuigong ranpòte 3 mil mèt la. Jamayikèn Kaliese Spencer ranpòte kous 400 mèt obstak feminen an. Chinwa Huang Haiqiang ranpòte so an an wotè kategori maskulen an. Estonyèn Kaire Leibak ranpòte triple so a. Rus Arkadiy Vasilyev ranpòte dakatlon an ak plis pase 8 mil 500 pwen.
Football
Federasyon football Afrik du Sud la siyen yon kontra ak ansyen antrenè Brezilyen Carlos Alberto Parreira--yon kontra kap ekspire apre koup du mond Afrik du Sud 2010 la. An plis de Brezil Parreira deja antrene Ghana, Koweit, Emirat Arab Uni yo ak Arabi Sawoudit.. Parreira te demisyone nan tèt seleksyon Brezil la apre la Frans te elimine yo nan kar de final koup du mond Almay 2006 la.
Chanpyon an tit koup du mond FIFA 2006 la Itali tonbe devan Kwasi 2 a 0 nan yon rankont ki jwe yè Mèkredi lakay Italyen yo.. La Frans make yon gòl dènye minit pou l kale Bosni Herzegovin 2 a 1. Brezil fè match nul 1 a 1 ak la Norvèj.. Miroslav Klose make 2 gòl pou ede Almay kale la Swèd 3 a 0. Angletè danse sou chanpyon sòtan koup dEròp la la Grès. La Oland woule Irland 4 a 0.
Match kalifikatif koup dEròp dè nasyon 2008 la Jòrji toupizi Il Feroe yo 6 a 0. Masedwa n ranpòte yon viktwa tou mens devan Letoni 1 a 0. Kazakhstan kenbe Beljik an echèk ak yon match nul 0 a 0. Republik Tchèk pèdu a domisil devan Sèbi 3 a 1.
Nan lòt match amikal entènasyonal Damank woule la polòy 2 a 0. La Swis pase Liechentenstein yon swif 3 a 0. Cameroun fè match nul a Gine, Senegal kale Kot Divwa a 1 a 0-
Nan Miami Florid Ayiti fè match nul 1 a 1 ak Gwatemala nan kad preparatif pou eliminatwa koup dò KONKAKAF la.
Nan lig football balonwon ameriken an D-C United fè match nul 0 a 0 ak New York Redbulls. Real Salt Lake suprann Kolonbus Crew ak yon viktwa 2 a 1. Chikago Fire benyen Kansas City Wizards 3 a 0.
Nan Amerik du Sud la International Porto Alegre ranpòte 47 tièm edisyon Koup Libertadores de Amerika apre match 2 a 2 yo fè ak Sao Paolo. Porto Alegre te ranpòte match ale a 2 a 1.
Tennis
Adolesan Britanik Andy Murray suprann bonanj numewo tenis mondyal la Swis Roger Federer ak yon viktwa nan 2 zièm tou tounwa tenis dè mèt yo kap dewoule nan Cincinnati-Ohio ak yon viktwa 7-5, 6-4. Espayòl Rafael Nadal ak Kwat Ivan Ljubicic kalifye pou 3 zièm tou a.
Rus Nadia Petrova elimine nan tounwa tenis Kop Rogers la kap dewoule nan Montreal Kanada. Se Anna Chakvetadze ki elimine konpattriòt li 6-1, 6-4 pou l al rankontre ak franse Nathalie Dechy ki li menm elimine Rus Maria Kirilenko 6-4, 6-4.
Cyclisme
Federasyoon Siklis Rus la louvri yon ankèt dopaj sou siklis Alman Jan Ullrich lè l te ranpòte kous bisiklèt Tour de Frans la an 1997. Otorite louvri ankèt la akoz Ullrich rezide an Swis e ke lap kouri ak yon lisans Swis. Ankèt la baze an relasyon skandal dopaj Ullrich te mele an Espay mwa pase a. Malgre msye rejte akuzasyon yo og̀aganizatè Tour de Frans te ekspulse l nan konpetisyon epi ekip siklis T-Mobil la revoke l. Si otorite yo jwen Ullrich koupab de dopaj li kapab resevwa yon suspansyon 2 zan.
Otorite yo nan San Diego dekouvri kadav David Witt, bò pè chanpyon Tour de Frans la Floyd Landis ki anba akuzasyon kòm kwa li ta pran steroyid pandan konpetisyon an. Otorite yo di David Witt gen yon bal nan tèt nan sa ki sanble yon suisid
Basketball
Seleksyon basketball ameriken an seleksyone 12 jwè ki pral patisipe nan koup du mond basketball la O Japon apre yo elimine Bruce Bowen. Lis konplè seleksyon an Carmelo Anthony, Shane Battier, Chris Bosh, Elton Brand, Kirk Hinrich, Dwight, Lebron James, Antwan Jamison, Joe Johnson, Brad Miller, Chris Paul ak Dwayne Wade.