Accessibility links

Nouvo Chanjman nan Chanpyona Basketball Ameriken an


Basketball

Asosyasyon Nasyonal Basketball Ameriken an deside chanje fason yo seleksyone tèt de seri pou faz final chanpyona a. Lig la anonse chanpyon divizyon an pa pap tèt de seri devan yon klub ki fini 2 zièm ak meyè rezulta pou sezon an. A pati de pwochen sezon an venkè divizyon yo pap kalifye otomatikman kòm tèt de seri. 4 premye yo ap kalifye an fonksyon de rezulta yo renmèt pandan sezon an--sa pral vle di 2 meyè ekip ki gen meyè dosye nan chak konferans yo pandan sezon regulye a kapab rankontre jus nan final konferans la.

Nan vil Atèn an Grès seleksyon baskeball franse subi yon defèt 70 a 56 devan La Grès nan final tounwa a.Tounwa sa a antre nan kad preparatif kap fèt pou pwochen chanpyona du mond basketball ki gen pou dewoule O Japon.

Football

La près spòtif nan Barselòn kanpe an kwa kont lide pou Brezilyen Ronaldhino ta kite Barselòn pou l al jwe nan Milan AC. Dapre nouvèl yo sanble Silvio Berlusconi ta pare pou l ofri Barseloèn plis pase 100 milyon dola pou l frè transfè brezilyen an epi peye Ronaldhino plis pase 12 milyon dola kont 8 milyon dola chak ane msye ap resevwa nan Barselòn. Ronaldhino, kap patisipe nan yon seyans dantrenman nan Monterrey O Meksik nan okazyon yon toune Barselòn ap fè an Amerik du Nò, pat vle fè kòmantè sou nouvèl la.

Prezidan Real Madrid la Ramon Calderon kwè li toujou posib pou Brezilyen Kaka vinn jwe nan klub la. 26 Juyè pase Kaka te anonse lap kontinye woule balon nan Milan AC.

Klub Brezilyen Sao Paolo tronse klub Meksiken Guadalajara 3 a 0 pou l kalifye nan final koup Libertadores de America a. Sao Paolo ap rankontre an final swa ak klub brezilyen Porto Alegre ou byen klub Paragweyen Libertad--2 klub yo te fè match nul 0 a a nan match ale a.

Se demen Vandredi a chanpyona football premyè divizyon franse a ap demare.Demen Swa FC Nantes ap rankontre ak Lyon.

Federasyon Football Izrayel ale an apèl devan Tribunal Abitraj Spòtif la sou desizyon Unyon Football Eropeyen an pran pou fè match klub Izrayelyen yo jwe a leksteryè pou rezon sekurite.

Tennis

Adolesan britanik Andy Murray ranpòte premye match tenis li depi li te anplwaye antrenè Brad Gilbert. Murray te bezwen 2 manch pou l kale Paragweyen Ramon Delgado 6-4, 6-3 nan tounwa tenis Legg Mason nan kap dewoule isit Washington. Rus Dimitry Tursunov kalifye pou pwochen tou a apre viktwa pa fòfè li ranpòte devan Arjanten Edgardo Massa ki te abandone rankont la nan 3 zièm manch la.

Franse Mary Pierce kalifye pou 3 zièm tounwa tenis Acura Classic kap dewoule nan Carlsbad, Kalifòni apre li woule ak kout rakèt Otrichyen Sybille Bammer 6-1, 6-7, 7-6.

Klike sou ralonj anlè atik sa a pou w tande nouvèl sou patisipasyon Ayiti nan 20 tièm edisyon Je Sant Amerik ak Karayib. Envite Jean Robert Philippe se Ernst Laraque, prezidan Federasyon Judo ayisyen an.

XS
SM
MD
LG