Accessibility links

Liberasyon Pwovizwa Ansyen Premye Minis Rejim Lavalas la:Yvon Neptune.


Otorite judisyè Ayisyen yo libere nan koumansman apre midi 27 jiyè a ansyen premye minis gouvènman prezidan dechi Jean-Bertrand Aristide la. Msye Neptune nan prizon depi plis pase 1 an pou swadizan patisipasyon l' nan sa yo rele "masak La Scierie a", nan vil Sen-Mak , anvan ranvèsman gouvènman Aristide la. Mr. Yvon Neptune demanti akizasyon sa a.

Ansyen dirijan ayisyen an tap obsève yon grèv grangou depi plizyè mwa. Korespondan-nou, Rotchild Francois Jr. di nou se akòz eta sante ansyen chèf gouvènman ayisyen an ke la jistis libere l' pwovizwaman.

Antretan, nan Depatman Sidès la, Korespondan nou Renan Toussaint fè n' konnen komèsan-revandè-revandèz ak machann pakoti ki fache kont direktè dwàn rejyonal la kontinye ap reklame demisyon'n e yo mande pouvwa santral la revoke msye sou pretèks lap aji mal avèk yo e ap fè yo pase nan yon je zegui.

Yon lòt kote, nan vil Orlando, (Eta Floride, Ozetazini) Yves Mompremier ki te pale avèk kèk manm kominote ayisyèn nan di nou, an jeneral, moun yo byen akeyi rezilta konferans ekonomik donatè entènasyonal yo sòt fè Ayiti a. Men yo di ya p' rete tann pou wè si pwomès èd 750 milyon dola a se pa pwomès-van.

Ale sou ralonj anlè atik sa a pou'n genyen plis presizyon sou depèch sa yo avèk Rotchild François jr., Renan Toussaint e Yves Mompremier.

XS
SM
MD
LG