Accessibility links

Chanpyon Tour de Frans la Ameriken Floyd Landis nan Pwoblèm


Cyclisme

Nouvo chanpyon kous bisiklèt Tour de Frans la ameriken Floyd Landis sanble li teste pozitif pou yon wo nivo testosterone. Ekip Phonak la fè anons la jodi a yon jou apre Unyon Siklis entènasyonal la te anonse nouvèl la sou yon siklis yo pat idantifye. Tès la dwe rekonfime avan responsab yo pwononse yo. An atandan Landis resevwa yon suspansyon pwovizwa. Si 2 zièm tès la pozitif ekip Phonak la ap revoke l.

Football

Unyon Football Europeyen an anonse lap aksepte Milan AC patisipe pwovizwaman nan chanpyona Lig dè Chanpyon Eropeyen an avan yo pran yon desizyon definitif 2 Out kap vini la a nan okazyon yon sesyon ekstraòdinè. Responsab yo di Milan AC ap patisipe nan tiraj osò a ki fikse pou demen Vandredi a.

Ansyen veteran foootball brezilyen Mario Zagallo demisyon kòm koodonatè teknik seleksyon an apre nominasyon Dunga kòm nouvo antrenè Brezil. Zagallo ki gen 74 zan kapab kontribue nan kandidatu brezil pou akeyi koup du mond la an 2014. Zagallo ansanm ak Pele te ede Brezil ranpòte koup du mond la an 1958 ak 1962.

Veteran football ameriken Brian McBride anonse retrèt li sou sè n football entènasyonal apre li make 30 gòl nan 95 rankont pou seleksyon an. McBride ki gen 34 tran patisipe nan 3 koup du mond.

Otorite yo an Itali deklare Inter de Milan kòm chanpyon nasyonal seri A sezon 2005-2006 la apre yon tribunal te deside pran tit la nan men Juventus de Turen youn pami 4 klub ki enplike nan yon skandal football peyi a.

Sanble Real Madrid ta peye plis pase 15 milyon dola pou l jwen sèvis footbalè Olandè Ruud Van Nistelrooy.

Alman Franz Beckenbauer anonse ofisyèlman li pa kandida pou ranplase Swedwa Lennart Johansson nan tèt Unyon Football Europeyen an. Ansyen prezidan komite òganizatè koup du mond Almay 2006 la di li kore kandidatu aktuèl prezidan an ki gen advèsè franse Michel Platini.

Flamengo bat Vasco de Gama 1 a 0 pou l ranpòte chanpyona premyè divizyon Brezilyen an. 45 mil fanatik te prezan nan stad Marakana a pou asiste viktwa ekip la.

Atakan seleksyon Meksiken an Francisco Fonseca transfere nan Benfica de Lisbòn dapre anons ki fèt yè Mèkredi a

Olympic

Komite Olenpik ameriken an elimine Houston ak Philadelphi ki tap chache akeyi Je Zolenpik yo an 2 mil 16. San Francisco, Los Anjeles ak Chikago toujou nan kous la. Komite gen pou l deside nan fen ane a ki vil lap seleksyone pou reprezante Etazuni fas a vil tankou Rome, Milan, Madrid ak Tokyo. Komite Olenpik Entènasyonal la ap seleksyone venkè a an 2 mil 9.

Sanble Komite Olenpik Entènasyonal la ta renmen yon je zolenpik dewoule sou kontinan Afriken an ou byen nan Amerik du Sud an 2 mil 20 ak 2 mil 24---2 kontinan ki poko akeyi yon je zolenpik.

Tennis

Kolonbyen Catalina Castano ak Italyen Romina Oprandi kalifye pou kar de final tounwa tenis Gran Pri Budapest la. Castano te bezwen 3 manch pou l elimine franse Aravane Rezai 6-7, 6-1, 6-3 pou l al rankontre ak Izrayelyen Anna Smashnova. Oprandi elimine Tchèk Iveta Benesova an 2 manch 7-5, 6-4.

Ameriken Andy Roddic kalifye pou 2 zièm tou tounwa tenis Countrywide Classic la kap dewoule nan Los Anjeles kaliföni. Roddick woule an kout rakèt Sud Afriken Rik deVoest 6-4, 6-4--yon tounwa ki konsidere kòm yon tounwa chofe jarèt avan tounwa Gran Shelem ameriken an. Chilyen Fernando Gonzalez elimine ansyen numewo 1 mondyal Rus Marat Safin 6-4, 6-2.

Bò kote meda m yo Japonè Ai Sugiyama ak Slovak Katarina Srebotnik elimine nan tounwa feminen West Classic la. devan franse Tatiana Golovin ak Rus Vera Zvonareva.

Atletisme

Ameriken yo renmèt yon bèl pèfòmans nan konpetisyon Atletis G.E Gran Pri a kap dewoule nan Helsinki, Findland. Reese Hoffa lanse yon pwa sou yon distans 21 mèt 59 devan ameriken Dan Taylor ak Christian Cantwell. Mozambiken Maria Mutola ranpòte kous 800 mèt feminen an.

XS
SM
MD
LG