Accessibility links

Dunga se Nouvo Antrenè Seleksyon Brezil la


Football

Federasyon football Brezilyen an nonmen ansyen mitan teren seleksyon an Dunga kòm nouvo antrenè apre demisyon Carlos Alberto Parreira. Dunga ki gen 42 zan, te nan kapitèn seleksyon ki te ranpòte koup du mond la an 1994. Premye tès nouvo antrenè a ap fè l kont Norvèj nan Oslo le 16 Out.

Klub football Italyen Milan AC ale apèl ak desizyon otorite footall Italyen yo pran frape l yon amand 15 pwen epi anpeche l patisipe nan chanpyona Eropeyena n pou patisipasyonn nan skandal magouy ki frape football Italyen an pandan sezon 2004 ak 2005 la. Lòt klub ki enplike nan skandal la Juventus de Turen, Fiorentina ak Lazio de Wòm gen pou peye pwen an plis yo desann nan 2 ziém divizyon, ale an apèl tou. Otorite yo ap pwononse yo jodi a men jou Unyon Football Europeyen fikse kòm delè ou federasyon football Italyen an deside si klub yo ap patisipe nan konpetisyon Eropeyen an.

Ansyen antrenè seleksyon Meksik la Arjanten Ricardo Lavolpe pa vle aksepte pòs antrenè klub Arjanten Boca Junior apre Alfio Basile kite klub la pou l dirije seleksyon Arjanten an. Lavolpe di li pa gen ase tan pou l prepare klub la.

Federasyon Football Kwat la anonse nominasyon Slaven Bilic kòm nouvo antrenè seleksyon an nan plas Zlatko Kranjcar ki revoke pou move pèfòmans seleksyon an renmèt pandan premye tou koup du mond Almay 2006 la. Premye misyonn prepare seleksyon an pou eliminatwa koupd Deròp dè Nasyon an kont Angletè ak la Rusi

Olympic

Oganizatè je zolenpik yo an lan 2012 revele yon plan rekonstruksyon revize ak gwo chanjman nan plan orijinal yo te prezante pandan kandidatu vil Lond la. Plan dapre responsab dwe prè pou tès o mwens yon lane avan debu konpetisyon an. Pa ekzanp prensipal stad olenpik la ki gen yon kapasite 80 mil plas dwe fini an Jwen 2 mil 11 swa 4 mwa pitan ke plan orijinal la. Vilaj Olenpik la dwe fini an Desanm 2011. Enstalasyon natasyon ak veledròm nan ap fini an reta tou. Òganizatè esprmie konfyans yo yap respekte delèa pandan yo pwomèt pou pa depase budjè a.

Komite Olenpik ameriken ap bay yon konferans de Près demen apre midi nan Denver Colorado pou l anonse reduksyon lis vil ki kandida pou akeyi je zolenpik yo an lan 2016. ô vil yo se Chikago, Houston, Los Anjeles“ philadelphi ak San Francisco. Komite dwe diside si vil seleksyone yo kapab ranpòte mayòl ou byen si Etazuni dwe soumèt kandidatu l.

Basketball

Toronto Raptors siyen yon kontra ak basketè espayòl Jorge Garbajosa ak espwea msye kapab ede ekip la kalifye pou faz final NBA a sezon pwochen an.

Basketè Chinwa Wang Zhizhi, premye chinwa ki antre nan NBA a ap chita sou ban d-touch la pou 2 semen pou pipiti apre li pran yon zòbòy nan match amikal entènasyonal ant la Chin ak ak la Frans yè Lendi

Atletisme

Kourè ameriken Muna Lee ranpòte konpetisyon 100 mèt kap dewoule nan Atè n an Grès. Trinidadyen Darrel Brown ranpòte kous 100 mèt maskulen an devan Kaaron Conwrigfht ak Jamayiken Steve Mullings. Jamyiken Omar Brown ranpòte kous 200 mèt la. Ameriken Jamel Ashley ranpòte kous 400 mèt Hè a.

Tennis

Ameriken Andy Roddick nonmen ansyen glwa tenis ameriken Jimmy Connors kòm antrenè l. Connors ranpòte 109 tounwa pami yo 4 gran Shelem pandan karyè l.

Cyclisme

Siklis Alman Jan Ullrich ap chache yon nouvo ekip apre li rate kous bisiklèt Tour de Frans la. Ekip T- MObil la te revoke Ullrich pou patisipasyon nan skandal dopaj espayòl la.

XS
SM
MD
LG