Accessibility links

Breaking News

Almay gen Yon Nouvo Antrenè


Football

Federasyon football Alman an ap chache yon nouvo antrenè pou selekson an apre Jurgen Klismann anonse entansyonn pou l demisyone. Joachim Loew ki kapab ranplase Klismann nan pòs la nan moman Almay ap pare pou l akeyi la Grès nan yon match amikal entènasyonal. Low, ansyen antrenè Stuttgart, te assistan Klismann nan seleksyon an.

Antrenè seleksyon Itali a Marcello Lippi demisyone nan tèt seleksyon an 3 jou apre li ede Italyen yo ranpòte yon 4 trièm tit koup du mond.

Franse Zinedine Zidane kapab pèdu trofe meyè jwè koup du mond la si komisyon disiplinè FIFA a jwen li koupab kout tèt li te bay Italyen Marco Materazzi. FIFA gen dwa entèvenu pou pran tit la menm si se te yon juri jounalis entènasyonal ki seleksyone Zidane kòm meyè jwè koup du mond la. Aswè a Zidane ap patisipe nan yon emisyon televizyon kote li kapab rakonte sak te pase ekzakteman ki pouse lage 2 pye long Italyen ak kout tèt. Sepandan Materazzi rekonèt li te ensulte Zidane san li pa di ki pawol̀ piman bouk li te di msye.

Se demen Jedi a tribunal disiplinè Italyen kapab rann vèdik nan skandal magouy ki genyen nan chanpyona Italyen an.

Isit Ozetazuni aswè a D-C United ap akeyi chanpyon Ekonsè FC Celtics nan yon match amikal entènasyonal. Noel Tosi non-men kòm antrenè seleksyon nasyonal Togo a pou dure 2 zan.Objektif kalifikasyon pou koup dAfrik dè Nasyon 2008 la kap kòmanse an Septanb.

Prezidan Unyon Football Eropeyen an Lennart Johansson anonse entansyon pou l chache yon dènye manda 4 tran nan tèt òganizasyon spòtif la--yon pozisyon li okipe depi 1990. Johansson pral fè fas ak franse Michel Platini lè eleksyon yo ap dewoule nan Duesseldorf an Almay 7 Fevriye.

Atletisme

Kourè chinwa Liu Xiang bat rekò nan 110 mèt obstak maskulen konpetisyon atletis kap dewoule nan vil Lauza-n an Swis. Ameriken Dominique Arnold bat rekò tou nan menm disiplin nan pou l fini an 2 zièm pozisyon devan Terrence Trammell.

XS
SM
MD
LG