Accessibility links

Breaking News

Angle yo ap Bay Wayne Rooney yon Dènye Chans


Football

Responsab Angle yo pral fè yon dènye tès 7 Jwen pou atakan Wayne Rooney pou konnen si lap patisipe nan koup du mond la ou byen si yap ranplase l. Frank Lampard bò kote pa l kwè yon operasyon tèt kole ant li menm ak Steven Gerrard ap konpanse absans possib Wayne Rooney.

Yon lot̀ kote abit Jamayiken Peter Predergast ak 2 lot̀ asistann Jamayiken Anthony Garwood ak Trinidadyen Joseph Joseph Taylor ap kite katye jeneral abit yo nan Frankfurt--rezon an abit Prendergast---règleman yo prevwa depi yon manb ekip la gen pwoblèm se tout ekip la ki gen pwoblèm.

Prezidan komite òganizatè koup du mond Franz Beckenbauer deklare li kwè kounye a ke Almay figure pami peyi favori pou ranpòte koup du mond la akoz fanatik lokal yo. Becken fè deklarasyon sa a apre Almay wouze byen wouze seleksyon Luksanbourg la Samdi pase

Etazuni kale Lituani 1 a 0 nan dènye seri 3 match yap jwe avan yo mete tèt pou Almay. Nan lòt match amikal entènasyonal. Kwasi fè match nul ak Iran 2 a 2. Ukrèn danse sou Kosta Rika 4 a 0. Letoni fè match nul kont Turki. Nan vil Madrid Masedwan kale Ekwatè 2 a 1. Mali suprann Maròk 1 a 0 nan vil Pari.

Arjanten Diego Maradona make yon gòl nan defèt 2 a 1 ekip rès du Mond la subi devan yon seleksyon veteran Angle nan kad yon match de charite UNICEF te òganize. Pami jwè ki te jwe pou seleksyon rès du mond la nou jwen ansyen kourè Kanadyen Ben Johnson. Seleksyon Ekwatè a ap debake jodi a an Almay.

D.C United kale Kansas City Wizards 3 a 1 Samdi pou l pran tèt konferans de Lès la ak 18 pwen swa 5 pwen davans. Real Salt fè match nul 2 a 2 Kolorado Rapids. F.C Dallas ranpòte yon viktwa tou mens devan New York Red Bulls. Chikago Fire tonbe devan Chivas USA 1 a 0

Atletisme

Kourè ameriken Justin Gatlin ranpòte kous 100 mèt konpetisyon atletis ki tap dewoule nan Eugene Oregon pandan ke Jamayiken Asafa Powell ranpòte yon lòt kous 100 mèt--2 mesye yo pat vle kouri nan menm konpetisyon.

Chanpyon Olenpik Swedwwa Carolina Kluft ranpòte konpetisyon ki tap dewoule nan vil Vyèn an Otrich.

Ansyen chanpyon ameriken Marion Jones pat rankontre oken difikilte pou l ranpòte kous 100 mèt nan la Oland. Jones ap prepare l pou l patisipe nan je zolenpik Peken 2008 yo.

NBA

Dallas Mavericks kale Phoenix Suns 95 a 88 pou l domine seri 7 match final konferans de Lwès la ak 2 viktwa kont 1 defèt. 2 ekip yo ap rankontre demen Madi a toujou lakay Phoenix. Aswè a Miami Heat, kap domine seri final 7 match nan konferans de Lès la ak 2 viktwa kont 1 defèt, ap akeyi Detroit Pistons.

Tennis

Pa gen supriz nan tounwa tenis Roland Garos la ki kòmanse yè Dimanch la nan vil Pari. Swis Roger Federer te monte yon maswife avan li kale Arjanten Diego Hartfield 7-5, 7-6, 6-2.. Arjanten David Nalbadian kalifye pou 2 zièm tou a ansanm ak espayòl Tommy Robredo ak Britanik Tim Henman. Bò kote meda m uo franse Amelie Mauresmo woule ameriken Meghann Shaughnessy ak kout rakèt 6-4, 6-4. Lòt kalifye yo se franse Marion Bartoli, Rus Dinara Safina ak Japonè Ai Sugiyama. Se 2 zièm tounwa Gran Shelem pou ane a.

XS
SM
MD
LG