Accessibility links

Breaking News

Etazuni pèdu devan Maròk


Football

Seleksyon nasyonal footbal ameriken an subi yon defèt 1 a 0 devan Maròk yè swa nan Nashville, Tennessee. Mohamed Madihi ki antre nan 2 zièm mitan make bout gòl nan 90 zièm minit apre yon erè defansiv. Ameriken yo gen pou rankontre ak Venezuela Vandredi epi Letoni Dimanch avan yo mete tèt pou Alman nan debu mwa Jwen an.

Nouvèl sou koup du mond la se demen Jedi a Gana ap rive an Almay kote li pral patisipe pou la premyè fwa nan yon koup du mond. Kosta Rika youn pami reprezantan KONKAKAF la ap rive nan menm Jedi a. Vandredi 26 Me Japon ak debake epi Arabi Sawoudit ap rive Samdi. Almay kale 2 a 1 klub Swis Servette nan kad preparatif Alman yo ap fè avan debu konpetisyon an. Kore du Sud fè match 1 a 1 ak Senegal nan kad 4 match chofe jarèt Koreyen yo ap jwe avan debu koup du mond la. Epi Trinidad and Tobago kale Otrich de Vienne 3 a 2 nan kad yon match chofe jarèt.

NBA

Miami Heat supran Detroit Pistons ak yon vktwa 91 a 86 nan kad seri 7 match final konferans de Lès la. Detroit ap akeyi Miami demen Jedi avan seri a al jwe nan Miami pandan weekend nan. Aswè a nan Konferans de Lwès la Dallas Mavericks ap akeyi Phoenix Suns nan yon seri de 7 rankont. Venkè 2 konferans yo ap kalifye pou final nasyonal la.

Toronto Raptors se premye ekip basketbal ki pral seleksyon jwè numewo 1 pandan tiraj osò NBA pou seleksyone jwè ki pral jwe nan diferan ekip nan NBA a.

Tennis

Almay ap rankontre ak Republik par elip pou yon plas nan final chanpyona mondyal tenis pa ekip. Alman yo kale Arjantin nan 2 a 1 nan group wouj la yè Madi a pandan ke Republik Tchèk kale Itali 2 a 1. Jodi a nan group Bleu a Etazuni ap rankontre ak Chili pandan ke Espay pral fè fas ak Kwasi.

XS
SM
MD
LG