Accessibility links

FIFA Publiye Lis Ofisyèl 736 Jwè Koup du Mond la


Football

FIFA publiye lis 736 jwè kap patisipe nan 18 tièm edisyon koup du mond la e ki reprezante 32 peyi. Gen 8 seleksyon kap fè premye vwayaj yo nan yon koup du mond. 7 jwè ap patisipe nan yon 4 trièm koup du mond--Cafu ak Ronaldo pou Brezil. Mohammed Al Deayea e Samir Al Jaber pou Arabi Saoudit, Kesey Keller( 1990) ak Claudio Reyna pou Etazuni. Gadyen Tunizyen an Ali Boumnijel se jwè ki pi aje ak 40 tan. Angle Theo Walcott se pi jèn jwè ki gen 17 tan.

La polis finansye Italyen fè yon desant de lye nan lokal Juventus de Turen ak lakay 2 lòt footbalè nan kad ankèt kap men-nen sou eskandal finansye ki frape football peyi a.

Klub football espayòl F C Barselòn ranpòte koup dè chanpyon Eropeyen apre viktwa 2 a 1 yo ranpòte devan klub angle Arsenal nan vil Pari an Frans.. Dènye fwa Barselon te ranpòte trofe a se te an 1992. Sol Campbell te louvri skò a pou Anglè yo men Kamerounè Samuel Eto’o egalize nan 77 tièm minit. epi Juliano Belletti ki antre nan fen 2 zièm mitan make gòl viktwa a nan 81 nivèm minit an favè Barselòn ki reyalize yon double pandan sezon an apre yo ranpòte chanpyona premyè divizyon lokal la.

Tennis

Ameriken James Blake elimine nan tounwa tenis dè mèt yo kap dewoule nan Hambourg an Almay. Se Kwat Mario Ancic ki elimine ameriken an 6-2, 7-5, 7-6. Tchèk Radek Stepanek ki elimine Swedwa Robin Soderling, pral rankontre ak franse Gilles Simons 6-3, 6-2.

Rus Elena Dementieva ak Italyen Romina Oprandi kalifye pou kar de final tounwa tenis Internasyonal Itali a. Tounwa sa yo se pami plizyè lòtt̀ tounwa chofe jarèt avan debu tounwa tenis Roland Garos an Frans 29 Me.

NBA

Cleveland Cavaliers ranpòte yon viktwa supriz devan Detroit Pistons 86 a 84 pou l pran tèt seri a ak 3 viktwa kont 2 defèt. Lebron James make 32 pwen ak 5 pas ki make pwen nan viktwa Cavaliers yo. Nan Konferans de Lwès la chanpyon sòtan an San Antonio Spurs redui eka ki te separe l ak Dallas Mavericks gras ak yon viktwa de justès 98 a 97 li ranpòte devan Dallas Maveriks ki toujou ap domine seri a 3 viktwa kont 2 defèt. 6 zièm match nan 2 konferans yo fikse pou Vandredi.

XS
SM
MD
LG