Accessibility links

Breaking News

Ayiti: Lachanm Kòmanse Chwazi Dirijan n yo


Chanm depite a reyini nan Pòtoprens byen ta yè 10 me a e li chwazi manm Biwo a, kidonk moun ki pral dirije Chanm Bas la nan 48èm lejislati a. Se Depite Pierre Eric Jn-Jacques (Lespwa) ki moute kòm Prezidan. Lòt pòs yo al' jwenn reprezantan 4 gwoup politik (Alyans, OPL, MPH ak Fusion).

Nan Sena a, gwo diskisyon ap kontinye men sous ki byen enfòme di Lavwadlamerik sanble Agr. Joseph Lambert byen plase pou l'vin Prezidan Gran Kò a.

Pandansetan, Prezidan KEP a, Max Mathurin, deklare toutotan enstitisyon an pa resevwa anviwon 13 milyon dola ki rete bloke jiskaprezan li pap kapab menm fikse dat eleksyon lokal yo ak dezyèm tou eleksyon palmantè pou 3 senatè ak 12 depite.

Fè klik sou ralonj ki anlè foto a pou ka koute repòtaj sa a ak plizyè lòt.

XS
SM
MD
LG