Accessibility links

Breaking News

Faz Final NBA a ap Demare Demen Samdi a


NBA

Faz final NBA a ap demare demen Samdi a lè Washington Wizards pral lakay Cleveland Cavaliers. Sakramento Kings pral lakay San Antonio Spurs. Chikago Bulls ap fè yon kout pye lakay Miami Heat epi Los Anjeles Clippers ap akeyi Denver Nuggets.

44 jwè entènasyonal ki soti nan 25 peyi ap patisipe nan faz final la ane sa a konpare ak ane pase lè te gen 24 jwè ki te soti nan 18 peyi. Konferans de Lès la gen 17 jwè aloske konferans Lwès la gen 27. San Antonio Spurs gen plis ke tout lòtt̀ ekip swa yon total 7 jwè etranje. Pou sezon regulye a NBA a te gen yon total 82 jwè ki soti nan 38 peyi.

Tennis

Kar de final koup Federasyon tenis la ap demare demen Samdi a lè chanpyon sòtan an la Rusi ak rankontre ak Beljik. Frans pral lakay Itali. Almay ap akeyi Etazuni epi Espay kont Otrich.

Numewo 1 tenis mondyal maskulen an Swis Roger Federer kalifye pou semi final tounwa tenis Monte Carlo a apre li kale Espayòl Carlos Ferrer 6-1, 6-3. Espayòl Rafael Nadal kalifye tou apre li elimine Arjanten Guillermo Coria 6-2, 6-1. Arjanten Gaston Gaudio woule Espayòl Tommy Robredo 6-1, 6-3.

Football

Klub woumen Steaua de Bucharest ranpòte yon viktwa tou mens 1 a 0 devan klub Angle Middlesbrough. Shalke 04 fè match nul 0 a 0 ak klub espayòl Seville nan kad demi final ale koup Unyon Football Eropeyen an. Match retou a fikse pou Jedi pwochen.

Responsab yo nan Lig Football balonwon ameriken an anonse yo jwen yon antant ak klub football angle Chelsea pou l jwe match tout vedèt kont pibon pami pibon jwè nan MLS la an Out pwochen menm periòd FC Barselòn ap reyalize yon toune Ozetazuni kote li gen pou l jwe 4 match amikal. Demen Samdi a balon pral woule nan New York lè New York Red Bulls ap akeyi D-C United--yon rankont responsab yo konsidere kòm duèl tradisyonèl otowout 95 la. An je rankont la se koup Atlantik la.

Cyclisme

Siklis ameriken Floyd Landis ranpòte 3 zièm etaj kous bisiklèt Tour Jorjia a devan chanpyon sòtan an Tom Danielson ak David Zabriskie.

XS
SM
MD
LG