Accessibility links

Etazuni Kalifye pou Semi Final Koup Davis la


Tennis

La Rusi elimine la Frans pou l kalifye nan semi final koup DAvis la. Rus yo ap akeyi Etazuni ki elimine Chili. Lòt semi final la ap mete bab pou bab Arjantin fas a Ostrali.

Jwè tenis Rus Nadia Petrova te bezwen 2 manch 6-4, 6-4 pou l kale Italyèn Francesca Schiavone epi ranpòte tounwa tenis Bausch and Lomb la ki tap dewoule nan Zile Amelya an Florid.

Fransèz Amelie Mauresmo toujou rete numewo 1 mondyal nan dènye klasman ki publiye jodi a. Bèlj Kim Clijsters klase 2 zièm devan Justin Henin-Hardenne, Maria Sharapova, ak Mary Pierce. Ameriken Lindsay Davenport, ki klase 6 zièm, kontinye ap desann pant la. Rus Nadia Petrova, ki sot ranpòte tounwa tenis nan zile Amelia yo an Florid, klase 7 tièm. Swis Roger Federer kontinye ap domine kategori maskulen an devan Kwat Ivan Ljubicic

NBA

Basketè chinwa Wang Zhizhi kap jwe nan Miami Heat retounen an Chin kote li prezante ekskuz pou tèt li te refuze fè pati seleksyon nasyonal basketball la. Ekskuz la louvri wout la pu Wang fè pati seleksyon nasyonal basketball chinwa a pandan je zolenpik Peken 2008 yo.

Chanpyon sòtan NBA a San Antonio Spurs toujou nan tèt konferans de Lwès la apre viktwa de justès 83 a 81 yo ranpòte devan Memphis Grizzlies. Phoenix Suns ranpòte tit divizyon Pasifik la apre yo kale Seattle Supersonics 116 a 114. Suns yo ranpòte divizyon an gras a defèt Los Anjeles Clippers subi devan Los Anjeles Lakers 100 a 83. Jason Kidd make 11 pwen-trape baloon an 12 fwa e fè 10 pas ki make pwen nan viktwa 95 a 83 New Jersey Nets ranpòte devan Milwaukee Bucks. Minnesota Timberwolves 84 a 83 gras a 2 pwen Trenton Hassell make 2 sekond.

Atletisme

Kourè Etyopyen Meseret Defar bat yon nouvo rekò nan kous 5 mil mèt feminen an nan okazyon konpetisyonki soti dewoule nan Carlsbad an Kalifòni. Manmzèl kouvri distans la an 14 minit 46 sekond swa 6 sekond pi rapid ke rekò kourè britanik Paula Radcliffe te bat an 2003. Kenyan Isabella Ochichi fini 2 ziém devan Etyopyen Sentagyehu Ejigu.

Kourè Kenyan Sammy Korir ak Etyopyen Mindaye Gishu ranpòte maraton ki sot dewoule nan Rotterdam an Oland kategori maskulen e feminen.

Cyclisme

Siklis Swis Fabian Cancellara ranpòte kous bisiklèt klasik Pari-Roubais devan chanpyon du mond bèlj Tom Boonen ak Italyen Alessandro Ballan.

D-C United kale Chivas USA 2 a 0 Samdi pou l ranpòte yon 3 pwen difisil isit Washington. Nan lòt rankont Colorado Rapids wouze Kolonbus Crew 3 a 1. Ayisyen Fabrice Noel make youn pami gòl yo. Colorado Rapids ap kolekte lajan pou ede fanmi Fabrice Noel rantre Ozetazuni. Paj entènèt ekip la rapòte papa Fabrice, manman ak tout yon frè l nan mawon depi lè bandi ame te touye 2 frè l. Fabrice Noel te konn jwe nan Racing Club ayisyen avan li te kite peyi a pou antre Ozetazuni kote lap jwe aktuelman nan Kolorado Rapids ansanm ak konpatriòt li Jean Philippe Peguerro.

Oliver Khan anonse lap toujou rete nan seleksyon alman an menm lè antrenè Klisman seleksyone l kòm rezèv. Antrenè Klisman nonmen Jens Lehmann kòm gadyen titulè seleksyon an Vandredi. Khan, ki te titulè pandan koup du mond Japon/Kore du Sud la di se yon gwo sezisman li pran.

Viktwa 2 a 1 klub franse Lyon ranpòte devan Nice Samdi nan okazyon 34 trièm jounen chanpyona, mete yo pi prè pou ranpòte yon 5 kièm tit youn dèyè Lòt. Yon viktwa weekend prochen ap kore tit la.

Jwè Real Madrid yo ap subi yon repo 2 jou olye de yon antrenman fòse yè Dimanch la apre match nul 1 a 1 yo fè ak Real Sociedad. Nul la bay FC Barselòn yon avans 11 pwen devan Real Madrid menm lè yo fè match nul 2 a 2 ak Racing Santander.

Leveur de Poids

Responsab levè de pwa yo an End enpoze yon entèdiksyon avi kont Edwin Raju ak Tejinder Singh apre yo te teste pozitif pou uzaj anabolizan pandan Je Commonwealth yo ki sot dewoule nan vil Melbourne an Ostrali. Desizyon sa a pran apre Federasyon Entènasyonal la Leve de Pwa te suspann End de tout konpetisyon entènasyonal. Federasyon an pran panche l sou dure suspansyon an mwa pwochen an. Tou depan de desizyon an End kapab pa gen yon delegasyon leve de pwa nan je Azyatik ki gen pou dewoule nan Doha an Desanm ou byen nan je zolenpik Peken yo an 2008.

XS
SM
MD
LG