Accessibility links

Breaking News

Ostrali ap Domine Belarus nan Koup Davis la


Tennis

Ostrali ap men-nen ap men-nen 2 a 0 devan Belarus nan kar de final tounwa Koup Davis la. La Rusi ap men-nen 1 a 0, Arjantin ap tren-nen dèyè Kwasi 1 a 0. Pita nan jounen an Etazuni gen pou l rankontre ak Chili nan lòt kar de final la.

Jwè tenis Italyen Francesca Schiavone ak ameriken Jill Craybas kalifye pou kar de final tounwa tenis Bausch and Lomb kap dewoule nan zile Amelya an Florid.

Natation

Najè, kap patisipe nan chanpyona du mond natasyon kout distans nan Shangai an Chin, bat 2 rekò du mond. Ameriken Ryan Lochte bat rekò nan kous 200 mèt Medley a jodi a devan Otrich. Ekip feminen 4 par 100 mèt Ostralyen bat rekò devan Etazuni ak la Chin.

Football

Mitan teren klub Angle Fulham nan Senegalè Papa Bouba Diop pwolonje pou yon lane kontra kap kenbe l nan ekip juskan 2009. Fulham klase an 15 zièm pozisyon nan lig la ki gen 20 klub. Diop, ki gen lontan depi lap soufri ak blesu, espere jwe patisipe nan rankont ekip la ap jwe kont Sunderland ki nan ke kamyonèt la.

Klub football espayòl Seville kalifye pou semi final Koup UEFA a apre yo fè match nul 1 a 1 ak Zenith de St Petersburgh. Klub Espayòl la te ranpòte match ale a 4 a 1. Klub woumen Steaua de Boukarès ak Rapid de Boukarès fè match nul 0 a 0. Steaua kalifye akoz 2 klub yo te fè match nul 1 a 1. Middlesbrough kale klub Swis 4 a 1 pou l kalifye pou semi final la. Schalke 04 kalifye sou gòl diferans apre yo fè match nul 1 a 1. Semi final la ap demare 27 Avril epi final ap dewoule nan Eindhoven le 10 Me.

Klub football Angle Manchester United anonse yon antant 4 tran pou ekip la enskri nan mayo l non konpayi asurans ameriken AIG a pati de pwochen sezon an. Antant la vo prèske 100 milyon dola.

Demen Samdi a nan chanpyona football balonwon ameriken an D.C United ap akeyi Chivas USA, New York Red Bulls ap akeyi New England Revolution. Kansas City Wizards ap fè yon kout pye lakay Houston Dinamo. FC Dallas kont Real Salt Lake. Kolorado Rapids kont Kolubus Crew epi Los Anjeles Galaksi pral mate balon lè lap akeyi Chikago Fire nan okazyon 2 zièm jounen chanpyona a.

Federasyon football franse a fikse final koup du Frans la pou 29 Avril malgre tantativ yo te fè pou final la te dewoule le 20 Me. Anviwon 4 mil supòtè Iranyen kapab fè deplasman pou vinn asiste premye rankont koup du mond seleksyon ap jwe kont Meksik le 11 Jwen. Gen posibilite pou prezidan Mahmoud Ah-ma-di-ne-jad asiste rankont la tou.

NBA

Carmelo Anthony make 33 pwen pou ede Denver Nuggets ranpòte yon viktwa de justès devan Los Anjeles Lakers 110 a 108. Detroit Pistons tronse Miami Heat 95 a 82. New Jersey Nets ki ranpòte divizyon Atlantik la woule Charlotte Bobcats 113 a 102.

Olympic

Prezidan Komite Olenpik Entènasyonal la Jacques Rogge deklare avni finansye òganizasyon an an fò m gras ak ogmantasyon marketing ak dwa televizyon.f Nan fen konferans 3 jou a, msye Rogge deklare òganizasyon je zolenpik 2008 yo 30 pou 100 an avans konpare ak dènye je zolenpik yo. Msye Rogge pwojete dwa televizyon pou je zolenpik divè an lan 2010 ak je zolenpik dete an 2012 yo kapab rapòte 3 milya 300 milyon dola--swa 700 milyon dola an plis projeksyon pou je zolenpik 2006 ak 2008 yo.

XS
SM
MD
LG