Prezidan George Bush rive nan peyi Meksik, pi presizeman nan vil Cancun, pou yon somè ant prezidan meksiken an, Vicente Fox, ak premye-minis kanadyen an, Stephen Harper.
3 lidè yo genyen pou yo rankontre jodi jedi a e demen vandredi a pou yo fè negosyasyon sou kèk sijè ki pwovoke gwo pawol-anpil ant 3 peyi yo, pa egzanp imigrasyon ak kontwòl fwontyè yo. Yo genyen tou pou abòde dosye tankou echanj komèsyal ak lit kont teworism.
Daprè pòt-pawòl La Mezon Blanch la, Scott McClellan, Prezidan Bush pral sèvi ak somè sa a pou l fikse atansyon sou mwayen pou yo ranfòse sekirite e ankouraje devlopman ekonomik nan peyi nò-ameriken yo.
Fè klik sou ralonj anlè foto a pou w tande repòtaj Lavwadlamerik la