Accessibility links

Breaking News

Supriz nan Chanpyona Baskètball Univesitè yo


Baskètball

Semi final chanpyona basketball Univèsite kategori maskulen ap dewoule Samdi pwochen ak venkè 4 rejyon yo. George Mason, ki pat tèt de seri suprann Connecticut ak yon viktwa de justès 86 a 84 an pwolongasyon, ap rankontre ak Florida ki pat rankontre ak difikilte pou l elimine Villanova 75 a 62. Lòt semi final la ap mete bab pou bab. Louizyana ki tonbe devan Duke fas UCLA ki elimine Memphis. Final la fikse pou Lendi 3 Avril toujou nan Indianapolis Indiana. Se premye fwa depi 1980 tout tèt de seri yo elimine.

Vedèt Philadephia 76ers la Allen Iverson pat mete dlo nan bouch li pou l kritike kòlèg li yo apre defèt ekip la subi devan Indiana Pacers 92 a 79-Philadelphia 76ers klase an 8 tièm pozisyon-yon pozisyon lap kenbe si l vle kalifye pou faz final la. Lebron James make 36 pwen pou ede Cleveland Cavaliers ranpòte yon viktwa tou mens an pwolongasyon devan Houston Rockets 104 a 102. Lòt ekip ki ranpòte la vikwa se Milwaukee Bucks, Minnesota Timberwolves, Chikago Bulls, Memphis Grizzlies, Orlando Majik, New Jersey Nets, Los Anjeles Clippers, Golden State Warriors, Seattle Supersonics ak Los Anjeles Lakers.

Tennis

Numewo 1 tenis mondyal feminen franse Amelie Mauresmo kalifye pou 4 trièm round tounwa tenis Nasdak Key Biscayne nan apre viktwa an 3 manch li ranpòte devan konpatriòt li Marion Bartoli 6-4, 6-0. Swis Martina Hingis tonbe an 3 manch devan Rus Svetlana Kuznetsova 3-6, 6-1, 7-6. CN-58 ROME MARATHON Kourè Kenyan David Mandango Kipkorir ranpòte marathon Wòm nan an 2 zè--8 minit--38 sekond. Ukrenyen Tetyana Hladyr ranpòte kategori meda m yo.

Je Commonwealth

Je Commonwealth Britanik yo fini ak Ostrali ranpòte yon total 221 meday pami yo 84 an ò. Angletè fini 2 epi Kanada fini 3 zièm. 39 peyi te patisipe nan konpetisyon an. Òganizatè konpetisyon an kalifye je yo kòm yon suksè. Sèvis Imigrasyon Ostralyen jwen 6 atlèt Sierra Leone ki te nan mawon apre delè pou yo te rete nan peyi a ekspire. 6 atlèt sa yo figure sou yon lis 14 atlèt delegasyon Sierra Leone nan otorite yo ap chache. Sèvis Imigrasyon pral kesyone mesye da m yo pou detèmine byen fonde pou rete nan peyi a.

Football Briefs

Federasyon football Gana a anonse seleksyon ap jwe 2 match amikal avan lal patisipe nan koupdu mond la.Ganeyen yo ap rankontre Turki an Almay le 26 Me epi Jamayik le 29 Me nan vil Lond. Klub football Angle Chelsea sou wout pou l ranpòte chanpyona football Angle a apre swif 2 a 0 li pase Manchester City pou l mete l a 13 pwen davans apre 31 nièm jounen chanpyon a.

Angola kap patisipe pou la premyè fwa nan yon koup du mond anonse lap jwe 3 match chofe jarèt avan konpetisyon an: kont Arjantin le 31 Me a Naples an Itali. Arabi Sawoudit le 2 Jwen a Leverkusen an Almay e kont Etazuni le 5 Jwen nan Hambourg.

An Almay antrenè seleksyon an Jurgen Klismann poko non-men gadyen titulè seleksyon ki pral patisipe nan koup du mond la. Klismann fè konnen anons la ap fèt nan debu mwa Me a. La justis an Almay entèroje Reiner Calmund nan kad ankèt kap men-nen sou aranjman viktwa yon seri de rankont de Football Klub Bayer Leverkusen nan chanpyona Bundersliga a.

Preparatif yo ap kontinye nan Lig dè Chanpyon Europeyen an ap rapousib demen Madi a lè Arsenal ap rankontre ak Juventus de Turen epi Benfica de Lisbòn kont FC Barselòn nan kad kar de final chanpyona a. Majistra vil Berlen an Almay anonse konstruksyon yon struktu 70 mil plas pou akeyi fanatik ki pa gen tikè pou asiste rankont koup du mond la. Struktu a, ke responsab yo 13 zièm stad alman ap etann li sou yon supèfisi 40 mil mèt kare, ap koute plizyè milyon Ero. Publik la ap peye plis pase 3 dola pou asiste tout 64 rankont yo. Minis Enteryè Alman an anonse lame a kapab mobilize 7 mil solda pou entèvansyon rapid nan ka gen yon pwoblèm la polis pa kapab rezoud.

XS
SM
MD
LG