Accessibility links

America Ranpòte Semi Final Ale KONKAKAF la


Football

Kub Meksiken Amerika ranpòte yon viktwa 2 a 1 devan klub Kosta Riken Alajuelense nan kad semi final ale chanpyona konkakaf dè klub chanpyon ak vis chanpyon. Mèkredi Toluca, yon lòt klub Meksiken te kale Deportivo Saprissa 2 a 0 nan match ale a. Semi final retou a fikse pou semen pwochèn nan.

Olandè Guus Hiddink anonse lap demisyone nan tèt klub Olandè PSV Eindhoven nan fen sezon an ak posibilite pou l al dèyè yon djòb an Angletè ou byen an Rusi. Hiddink te ede seleksyon Ostrali a kalifye pou faz final koup du mond Almay 2006 la. PSV ap rankontre ak Ajax Amsterdam nan final chanpyona Olandè a le 7 Me. Hiddink te men-nen seleksyon Kore du Sud la nan semi final koup du mond Japon/Kore du Sud la.

Dallas Cowboys siyen yon kontra 3 zan ak shoutè kou fran Mike Vandejagt ki te konn jwe nan Indianapolis Colt. Dallas siyen yon kontra tou ak Terrel Owens ki te konn jwe nan Philadelphia Eagles . Responsab yo te mete msye akote apre 7 rankont li te jwe pou Philadelphia Eagles pou move konduit.

Òganizatè koup du mond football la anonse yap kòmanse resevwa tikè match ki pat vann a pati de Lundi-fanatik ki pou yon rezon ou byen yon lòt deside pa asiste koup du mond . Responsab yo di yo kapab aksepte tiké a transfere bay yon lòt moun apre yon eksplikasyon... Pwopriyetè tikè kapab resevwa yon ranbousman 100 pou 100 si tikè a vann pou pri orijinal la-Fanatik ki achte tikè a ap peye 12 dola frè transfè pandan achtè orijinal la ap peye yon frè 15 pou 100.

Basketball

Chanpyona basketball univèsite yo ke yo rele Mas an foli ap rapousib aswè a lè Connecticut Huskies ap rankontre ak Univèsite Washington epi Georgetown kont Florida isit Washington D.C. epi Boston College kont Villanova nan Minneapolis. Lòt rankont George Mason pral mate balon fas a Wichita State.

Sezisman nan basketball Univèsitè yo yè swa apre numewo 1 chanpyona a Mas an foli a Duke Blue Devil tonbe devan Louisiana State Univèsite ak yon skò 62 a 54 nan semi final rejyonal la. LSU pral rankontre ak Tekzas nan final rejyon Atlanta a Samdi. Tekzas kalifye apre yon viktwa de justès yo ranpòte devan West Virjinya 74 a 71.. UCLA ranpòte yon viktwa de justès tou devan Gonzaga 73 a 71 nan rejyon Oakland la pou yal rankontre ak Memphis Tigers ki pat rankontre oken difikilte pou l kale Bradley 80 a 64.Samdi ak Dimanch nap konnen 4 chanpyon rejyonal ki pral patisipe nan semi final nasyonal epi final la.

Malgre Alman Dirk Nowitzki make 51 pwen pa anpeche Dallas Marvericks tonbe 122 a 121 devan Golden State Warriors apre Jason Richardson make yon 3 pwen nan fen tan reglemantè a. Dallas toujou an 2 zièm pozisyon nan konferans de Lwès la dèyè San Antonio Spurs. Washington Wizards wouze Utah Jazz 109 a 97 menm jou responsab yo tap mete a la retrèt mayo numewo 32 ansyen vedèt ekip la Carl Malone. Phoenix Suns, New Jersey Nets, Houston Rockets ak Memphis Grizzlies ranpòte la viktwa. CN-66

Tennis

Ameriken Andre Agassi abandone tounwa tenis Key Biscayne nan akoz blesu.

Je Commonwealth

Kourè Kenyan Janeth Jepkosgei suprann meda m yo pou l ranpòte kous 800 mèt feminen Je Commonwealth yo. Manmzèl te kouri pi rapid ke Jamayiken Kenia Sinclair ak Mozambiken Maria Mutola. Kenyan Isabella Ochichi ranpòte kous 5 mil mèt. Yon lòt Kenyan Kemboi Yano ranpòte kous 3 mil mèt la. Jamayiken Brigitte Foster-Hylton ranpòte kous 100 mèt obstak la. Nan Basketball Ostrali kale Nouvèl Zeland 81 a 76 pou l ranpòte meday dò a. Angletè konsole l ak meday bronz la gras ak yon swif li pase Nijerya 80 a 57. Nan tablo meday yo Ostrali ranmase yon total 189 meday pami yo 72 an ò. Angletè ranmase 24 meday dò. Kanada ak End a egalite ak yon total 20 meday an ò.

Yon lòt kote End ap fè fas pou l resevwa yon suspansyon 5 kan pou leve de pwa pou patisipe nan oken konpetisyon entènasyonal apre 2 levè de pwa teste pozitif pou anabolizan nan je Commonwealth Britanik yo kap dewoule nan vil Melbourne an Ostrali. Tribunal Arbitraj Spòtif la resevwa rezulta tès yo.

XS
SM
MD
LG