Accessibility links

Breaking News

Sport-Jounen Entènasyonal Meda m yo


Sport/ Jounal Ent]nasyonal Meda m yo

Jodi a se Jounen Entènasyonal medamyo e nan okazyon sa-a Komite olempik Entènasyonal-la ap onore yon gran dam nan istwa tenis mondyal . Non-ni se Gabriela Sabatini ki te ranpòte US OPen nan an 1990, meday dajan nan jeu Seoul-yo an 1988, 27 tit ant 1984 e 1996 resevwa twofe Mondyal “Femme et Sport 2006”. Twofe sa a mete an valè karyè Sabatini , men se rekonpans pou aksyon li men-nen kote l fè pwomosyon pou tenis nan peyi l, Arjantin, sutou kay jèn fiy. Komite-a renmèt distenksyon bay Albertine Andrade (Senegal), Charmaine Crooks (Kanada), Elisa Lee( Kore), Dominique Petit(Frans) ak Loraine Mar (Fidji) Bèlj Justine Hennin-Hardenne deziye kòm tèt de seri numewo 1 nan tounwa Indian Wells la ( en Kalifòni) akoz absans 2 meyè jwè mondyal-yo bèlj Kim Clijsterz ak fransèz Amelie Mauresmo respektivman numewo 1 e numewo 2.

Football

Nan match ki jwe yè madi-a nan kad 8e de final retou Lig Chanpyon-an Barselòn kalifye apre match nul 1-1 ak Tchelsi ---supèr bu de Ronaldinyo Gaucho pou Barsa e Lompard egalize pou Tchelsi nan arè d jeu-yo. Nan manch ale-a Barsa te kale 1 a 0 ; Lòt kalifye ankò se Juventus de Turen, ki te tonbe devan Werder de Brem 3 a 2 e ki kale 2 a 1. Yon kalifikasyon de justès gras a kesyon gòl alexteryè . Pratikman menm situasyon kote klub espayòl Villa Real kalifye pou yon kesyon gòl aleksteryè apre match nul li 1-1 li kont Glasgow Rangers. Match ale-a te fini 2-2. Konpetisyon-an ap kontinue jod a. Sa pral gate an Angletè kote Arsenal pral akeyi Real Madrid ki te pèdu 1 a 0 nan match ale a nan Stad Santiago Bernabeou. Lyon ap akeyi PSV Eidoven avèk yon avantaj yon gòl nan match ale-a li te kale 1 a 0 . Lòt afich Liverpool kont Benfika , Milan Ac kont Bayern de Munik, Inter kont Ajax.

NBA

Yè swa nan NBA-a , San Antonio Spurs , chanpyon antit, tonbe fò 98 a 85 devan Los Anjeles Clippers. Elton Brand ki make 30 pwen , se te youn nan artizan viktwa sa-a . Nan mineapolis, chinwa yao Ming make tou 30 pwen e fè 13 rebon pou ede Houston Rockets kale Minesota Timberwolves 93 a 87. Nan lòt rankont,Dallas Mavericks ranpòte la viktwa devan Portland TrailBlazers 93 a 87Bèl opearsyon pou Chikago Bulls ki kale New Jersey Nets 95 a 87 .E nan pwolongasyon , Boston Celtics kale Washington Wizzards 116 a 115 an pwolongasyon. Lòt venkè yo se New York Nikcs , Atlanta Hawks, Clevland Cavaliers.

XS
SM
MD
LG