Accessibility links

Ayiti: Manigat ap Pwoteste, Préval ap Chache Yon Majorite Palmantè


Dapre nouvèl ki soti Pòtoprens, kandida RDNP a (Rassemblement des Démocrates Nationaux Progressistes), Pwofesè Leslie François Manigat, tanmen yon demach legal pou pwoteste kont chwa René Préval kòm Prezidan peyi a nan dat 16 fevriye pase a. Sepandan, Pwofesè Manigat di korespondan nou Clarens Renois li pa konteste rezilta eleksyon yo. Pwofesè a voye dokiman bay BED Lwès la (Biwo Eleksyon nan Depatman an) dapre sa regleman yo mande.

Kandida a, ki fini dezyèm ak anviwon 12% vwa di li senpleman pa dakò ak fason Konsèy Elektoral la chanje metòd pou konte vwa yo, yon semèn apre depouyman te kòmanse, e nan yon mannyè ki vyole lwa elektoral la, pi presizeman atik 185 la.

Leslie Manigat kwè se yon panzou elektoral (une forfaiture) ki anpeche pèp la aprann leson yon Dezyèm Tou. Li pwoteste ak tout fòs sa li rele yon aksyon ilegal.

Fè klik sou ralonj anlè foto a pou w tande repòtaj Clarens Renois a.

XS
SM
MD
LG