Accessibility links

Venus Williams Elimine nan Tounwa Tenis Open Ostrali a


Tennis

Sezisman nan premye tounwa tenis Open Ostrali a ak eliminasyon ameriken Venus Williams ki tonbe ak rakèt nan men devan adolesan Bulgar Tszvetana Pironkova ki pa tè de seri tounwa a sou yon skò 2-6, 6-0, 9-7. Serena Williams kale anba redu chinwa Li Na 6-3, 6-7, 6-2. 3 lòt gwo chabrak pèdu depi nan premye tou a se Rus Elena Dementieva, franse Tatiana Golovin ak Japonè Ai Sugiyama. Ameriken Lindsay Davenport pase Ostralyen Casey Dellacqua 2 kout rakèt 6-2, 6-1.

Lòt jwè ki kalifye yo se Slovak Daniela Hantuchova, Sèbi ak Montenegren Jelena Jankovic ak Rus Maria Kirilenko, Rus Nadia Petrova, Bèlj Junstine Henine Hardenne.

Poko gen oken supriz bò kote mesye yo. Ameriken Andy Roddick byen demare ak yon viktwa 6-4, 6-2, 6-2 devan Swis Michael Lammer. Arjanten David Nalbadian te bezwen 5 manch pou l kale Tailandè Danai Udomchoke 6-2, 6-2, 1-6, 6-7, 6-1.

Lòt jwè ki kalifye se Arjanten Gason Gaudio, Espayòl David Ferrer ameriken Robby Ginepri, Tchèk Radek Stepanek, Findlandè Jarkko Nieminen tout pase kap premye tou premye tounwa tenis Gran Shelem pou ane a.

Barselòn pran distans li ak 7 pwen nan chanpyona Espayòl la apre viktwa 2 a 1 yo ranpòte devan Atletico Bilbao aloske Real Madrid benyen FC Seville 4 a 2.

Football Ameriken

Pittsburgh Steelers ak Carolina Panthers bezwen yon viktwa pou yo kalifye pou 40 tièm edisyon final Superbowl Football zèpòl kare a. Pittsburgh suprann Indianapolis Colt ak yon viktwa 21 a 18 pou kalifye pou final konfenrans Ameriken kote li pral rankontre ak Denver Broncos. Carolina Panthers ki elimine Chikago Bears 29 a 21 pral rankontre ak Seattle Seahawks ki te elimine Washington Redskins Samdi. Venkè yo ap rankontre an final Dimanch 5 Fevriye.

NBA

Toronto Raptors woule New York Knicks 129 a 102. Sakramento Kings te fè anpil efò avan li kale Orlando Majik 104 a 100 pandan ke Portland Trail Blazers ranpòte yon viktwa de justès devan Cleveland 89 a 87.

Etazuni figure nan menm group ak Porto Riko pandan ke Sèbi ak Montenegro pral rankontre ak Nijerya nan chanpyona du mond basketball kap dewoule O Japon soti 19 Out pou rive 3 Septanb ak patisipasyon 24 peyi. Etazuni trouve l nan group D a ak Porto Riko, Sloveni, Itali, la Chin ak Senegal. Etazuni ap rankontre ak Porto Riko le 19 Out. Nan group A nou jwen chanpyon Olenpik la Arjantin, Sèbi ak Montenegro, Venezuela, La Frans Liban ak Nijerya. Group B a gen ladann konpoze ak Espay, òganizatè konpetisyon an Japon, Panama, Almay, Nouvèl Zeland ak Angola. Finalman goup C a gen Lituani, Brezil, Grès, Turki, Ostrali ak Katar.

Atletisme

Kourè Etyopyen Haile Gebreselassie bat 2 rekò nan maraton ki tap dewoule nan Arizona. Gebreselassie, ki gen 32 zan, bat rekò nan kous 20 kilomèt. 34 mil kourè te patisipe nan konpetisyonan ki dewoule nan Scottsdale ak Tempe Arizona.

Rallye Dakar

Motosiklis espayòl Marc Coma ranpòte kategori motosiklèt konpetisyon Ralli Dakar la aloske Luc Alphan ranpòte kategori otomobil la. 3 moun mouri pandan konpetisyon ki te kòmanse 31 Desanm. Coma kouvri distans 4, 499 kilomèt la ant 55 heures aloske Luc Alphan fini menm distans la ak 53 heures.

XS
SM
MD
LG