Accessibility links

Brezilyen Ronaldhino Ranpòte Pri Meyè Jwè FIFA pou Ane a


FIFA/ Football

Vedèt football Brezilyen Ronaldinho kap jwe nan FC Barselòn ranpòte pou yon 2 zièm ane afile 15 zièm edisyon pri FIFA meyè footbalè pou ane a ( 956 pwen ) devan Angle Frank Lapard(306) ak Afriken Samuel Eto’o( 190) . Definitivman ane sa-a se ane Ronaldinyo ki te resevwa sa gen 3 semèn Balon Dor Frans Foutbòl-la . Alman Birgit Prinz ranpòte kategori meda m yo pou yon 3 zièm ane afile. Li devanse Marta et l’Amériken Shannon Box.

Prezidan Federasyon Foutbòl Entènasyonal-la FIFA, Sepp Blatter, apuye moun kap mande pou klub yo jwenn yon lajan lè yo libere jwè yo pou jwen match entènasyonal pou peyi yo. Sepp Blatter deklare jodi madi li kwè asosyasyon lokal yo ta dwe mande lajan ni pou klub yo ni pou jwè yo. Li ajoute gen ekip nasyonal tankou La Swis ak Almay ki deja fè yon jès ak klub yo. Mesye Blatter fè konnen lap konsidere kesyon sa a nan rankont ki gen pou dewoule an mas 2006.

Prezidan FIFA a te pwofite eksprime satisfaksyon pou bilan koup du mond klub yo. Klub Brezilyen Sao paolo ranpòte konpetisyon an sou Liverpool. Pwochen edisyon an ap dewoule soti 10 pou rive 17 desanm 2006 O Japon.

Nan peyi d’Ayiti, Lig Nasyonal Foutbòl la anonse 8e jounen premyè divizyon an ak 3e jounen 2e divizyon-an ap dewoule 21, 22 e 23 Desanm. Selon toujou nò̈t LINAF-la, 9e jounen D-1-an ak 4e joune D-2-a ap dewoule 28 e 29 desanm. Donk demen mèkredi a ap gen yon pakèt match , pami-yo. : Don Bosko-Dynamite de Saint Marc; Viktory kont Racing Club Haitien ; Violette kont Cavaly; AS Mirbalè kont Roulado.

17e jounen Liga espayòl la , chanpyona foutbòl premyè divizyon an ap kòmanse jodi madi-a avèk kèk bèl afich tankou :Barselòn kont Celta Vigo , Real Madrid Racing Santander, Malaga Vilareal. Barselon, Ossasouna, Real ak Vilareal okupe 4 premye nan klasman-an.

Federasyon Football ameriken jwen yon antant ak sendika footbalè yo kap kouvri 2 pwochen koup du mond yo juskan 2010. 2 pati yo dakò pou pa gen grèv. Etazuni gen pou jwe yon match amikal kont Kanada 22 Janvye avan li rankontre ak Novèj 29 Janvye. 10 Fevriye kont Japon epi kont Almay 22 Mas.

NBA

Toronto Raptors ranpòte 5 kièm viktwa l nan 25 rankont gras ak yon kal de justès 92 a 90 li ranpòte devan Orlando Majik. Bèl operasyon pou Boston Celtics sou Golden State Warriors : 109 a 98. Charlotte Bobcats redi avan li kale Sakramento Kings 106 a 103. Menm situasyon an pou Detroit Pistons ki kale Memphis Grizzlies 106 a 104 ; epi ekip nou-an Washington Wizards tonbe devan Seattle Supersonics 111 a 101.

Basketè chinwa Yao Miing kap jwe nan Houston Rockets ap rate plizyè match akoz yon pwoblèm li genyen nan zòtèy.

Je Olenpik

Otorite Italyen yo anonse yap kontinye aplike lwa sou dròg yo pandan je zolenpik divè yo ak posibilite pou la polis men-nen operayson ratibwazaj nan vilaj kote atlèt yo ap viv pandan konpetisyon an.

Tennis

Ansyen numewo 1 tenis mondyal feminen Swis Martina Hingis ap retounen nan sikwi entènasyonal la 1 Janvye nan okazyon tounwa tenis Gold Coast la--yon tounwa ki konsidere kòm yon tounwa chofe jarèt avan debu premye tounwa Gran Shelem pou ane( Entènasyono Ostrali ). Hingis gen 4 tran depi li absan nan sikwi entènasyonal la.

XS
SM
MD
LG