Accessibility links

Breaking News

FIFA Publiye Lis 8 Tèt de Seri Koup du Mond la


Koup du Mond 2006

FIFA seleksyone 8 peyi kap tèt de seri pou koup du mond Almay 2006 la avan tiraj osò a kap dewoule Vandredi nan Leipzig an Almay. Peyi sa a yo se Almay, Angletè, Arjantin, Brezil, Espay , la Frans, Itali ak Meksik. O mwen peyi sa yo pap rankontre nan premye tou a. FIFA konsidere rezulta peyi sa yo renmnèt pandan 2 dènye koup du mond yo ak klasman FIFA publiye pandan 3 dènye ane yo. La Oland pa klase kòm tèt de seri malgre li klase 3 zièm nan klasman mansuèl FIFA a. Etazuni fini ak 43 pwen dèyè Itali ki gen 44 pwen nan sistèm tèt de seri FIFA a.

Final Koup Lig dè Chanpyon Europeyen an ak Koup UEFA a ap dewoule yon semen alavans pou pèmèt jwè kap patisipe nan faz final koup du mond la repoze yo. Final koup dè Chanpyon an ap jwe le 17 olye de 24 Me nan vil Pari. Final koup UEFA a ap dewoule le 10 olye de 17 Me nan vil Olandè Eindoven. FIFA anonse jwè kap patisipe nan koup du mond la pap kapab jwe pou klub yo apre 15 Me eksepte nan final Lig dè Chanpyon an. FIFA fikse 15 Me kòm delè pou peyi patisipan yo renmèt lis 23 jwè kap reprezante yo nan faz final koup du mond la.

6 klub Europeyen ap kalifye pou pwochen tou chanpyona Lig dè chanpyon Europeyen an nan okazyon dènye jounen avan nou antre nan faz dechoukaj la. Milan AC, Shalke 04, PSV Eindoven kapab kalifye pou pwochen tou a nan group E a.. 3 ekip pral dèyè dènye plas ki disponib nan group H la. Manchester United youn nan pi bèl klub sou tè a kapab pa kalifye si l pèdu demen Mèkredi a lè lap jwe an deplasman lakay Benfica de Lisbon nan group D-a.

Yon lòt kote vedèt football Ivwaryen Didier Drogba, kap jwe nan Chelsea, konfime lap patisipe nan Koup dAfrik dè Nasyon kap dewoule an Ejipt soti 198 Janvye pou rive 10 Fevriye. La polis nan Liverpool gen pou entèroje ansyen entènasyonal Angle Paul Gascoigne apre li te nan yon diskusyon ak yon fotograf. Dapre nouvèl yo Gascoigne te bay fotograf la yon kout pwen apre li te mande l otorizasyon pou l te pran foto l.

Football Ameriken

Finalman Filadelfia Eagles pa kapab reprann fòm li nan sezon an apre Seattle Seahawks pilon-nen yo ak yon rakle 42 a 0. Seahawks yo gen yon palmarès 10 viktwa 2 defèt pandan ke Eagles gen yon palmarès 5 viktwa 7 defèt.

NBA

Tim Duncan make 26 pwen -bloke 5 balon-Tony Paker ajoute 20 pwen pou ede San Antonio Spurs krabinen Orlando Majik 110 a 85.. Nan Salt Lake City Minnesota Timberwolves pat rankontre oken difikilte pou van-nen Utah Jazz 91 a 77. Alman Dirk Nowitzki make 35 pwen pou ede Dallas Mavericks ranpòte yon viktwa tou mens devan Chikago Bulls 102 a 94. Los Anjeles Clippers te fè anpil efò avan li kale Miami Heat 99 a 89.

Je Zolenpik Diver

Flam Olenpik la rive an Itali kote li pral kouvri yon distans 11 mil 300 kilomèt juska Turen kote je zolenpik divè yo pral dewoule an Fevriye 2006.

Atletisme

Chanpyon Olenpik Britanik Kelly Holmes, ki gen 35 kan, anonse retrèt li apre li finn patisipe nan je Commonwealth Britanik yo kap dewoule nan Melbourne an Ostrali an Mas pwochen.

TENNIS

Ameriken Andy Roddick nan figure pami 2 jwè tenis ameriken kap jwe rankont senp koup du mond pa ekip nan Dusseldolf an Almay.

Leve de Pwa / Dopaj

Federasyon Leve Pwa Entènasyonal la entèdi pou 2 zan chanpyon Olenpik Turk Halil Mutlu pou uzaj steroyid. Endiksyon an ap rete an plas juskan Avril 2007. Sedat Artuc yon lòt leve pwa Turk entèdi pou l pa patisipe nan oken konpetisyon pandan 2 zan apre li teste pozitif an deyò yon konpetisyon. Federasyon Leve Pwa Turk la resevwa yon penalite 100 mil dola e pa kapab patisipe nan oken konpetisyon entènasyonal jusk 31 Me 2006.

XS
SM
MD
LG