Accessibility links

FIFA Mete a Kote Pwojè Balon Entèlijan Adidas la


FIFA

Otorite yo FIFA yo ap fabrikman ekipman spòtif Adidas deside pou pa sèvi ak nouvo teknoloji ki tap pèmèt abit yo fè yon bon kout siflèt gras ak yon balon espesyal. 2 pati yo deside yo pap sèvi ak nouvo teknoloji a nan gwo konpetisyon tankou koup du mond klub FIFA ane sa a kap dewoule nan Tokyo an atandan yo fè plis tès. Balon an gen yon mikroship ki emèt yon siyal lè balon an travèse liy gòl la te teste pandan dewoulman koup du mond kadè a nan Perou ane sa a.

Football

Responsab yo nan Real Madrid òganize yon reyunyon durjans pou revoke antrenè brezilyen Vanderlei Luxemburgo nan tèt ekip la akoz movèz p̀fòmans ekip la renmèt. Revokasyon an rive mwens ke 2 semen apre komite ekip la te ba l yon vòt konfyans.

Atakan seleksyon Kameroun Samuel Eto’o kap jwe nan Barselòn figure sou lis 3 finalis pou resevwa pri meyè football afriken pou ane a.-Eto’o ap chache ranpòte pri a pou yon 3 zièm ane youn dèyè lòt. Lòt 2 kandida yo se Ganeyen Michael Essien ak atakan Ivwaryen Didier Drogba. 53 antrenè nasyonal kontinan an vote pou finalis yo. Responsab yo ap anonse venkè pandan yon seremoni kap dewoule nan kapital Nijeryan an Abuja 9 Janvye. Si komite a seleksyone Samuel Eto’o msye ap egalize Ganeyen Abedi Pele ak Liberyen George Weah kòm footbalè afriken ki ranpòte mayòl la 3 fwa.

Tiraj osò pou 3 zièm tou koup Federasyon Football Angle a dewoule nan vil Lond. Manchester United ap rankontre Burton ou byen Burscough. Arsenal fas ak Cardiff. Huddersfield pral lakay Chelsea ak Liverpool kont Luton-Tounwa a ap ajwe ant 7 e 8 Janvye ak final la fikse pou 13 Me nan stad Wemble a ki an reparasyon.

Sou kontinan Europeyen an Juventus de Turen ogmante avans li nan chanpyona Itali a apre viktwa 2 a 1 yo ranpòte devan Fiorentina aloske Milan AC tonbe devan Chievo Verone 2 a 1 nan okazyon 14 zièm jounen chanpyona a.

An Espay FC Barselòn ak Osasuna kontinye pataje premye plas apre 14 zièm jounen chanpyona Esapuyòl la. FC Barselòn tronpe Villareal ak yon viktwa 2 a 0 aloske Osasuna kale Malaga 2 a 1. Real Madrid, ki gen yon nouvo antrenè, ranpòte yon viktwa tou mens SAmdi devan Getafe 1 a 0.

Milan AC, Shalke 04, ak PSV Eindhoven ki separe ak yon pwen nan group E pral woule balon nan okazyon 6 zièm e dènye jounen Lig dè chanpyon pou group E a. Nan group sa a Milan AC ap rankontreak Shalke 04--chak ekip yo gen 8 pwen aloske PSV Eindovhen ki gen 7 pwen ap rankontre ak Fenerbah ki deja elimine.

Je Azyatik

Philippines ranpòte je Azi du Sudès yo gras ak yon rekò li bay nan dènye jou konpetisyon 11 jou a. Filipen yo ranpòte 113 meday dò pou konplete lis la ak 289 meday total devan Tailand ki ranmase 283 epi Vyetnam gen yon total 228. Pwochen je yo ap dewoule an lan 2007 nan Tailand CN-86

Tennis

Kwasi ranpòte 105 kièm edisyon koup Davis la gras ak yon viktwa 3 a 2 yo ranpòte devan Slovaki.

Atletisme

Kourè Kenyan Stephen Kiogora ranpòte marathon Las Vegas la. Meksikèn Adriana Fernandez ranpòte kategori meda m yo devan Rus Galina Bogomolova nan yon dènye efò.

Boxe

Boksè Jermain Taylor konsève ak yon desizyon unanim tit pwa mwayen fas a Bernard Hopkins Samdi nan Las Vegas. Taylor gen yon palmarès 25 viktwa 0 defèt aloske Hopkins gen yon palmarès 46 viktwa-4 defèt ak yon nul. CN-15

Football Ameriken

Indianapolis Colts kalifye pou faz final Football zèpòl kare a apre yo ranpòte 12 viktwa afile yo nan lig la. Colts yo woule Tennessee Titans 35 a 3. Kansas City Chiefs suprann Denver Broncos 31 a 27 pou l konsève chans pou l kalifye pou faz final la. Chikago Bears ranpòte 8 tièm viktwa l nan lig la apre yo kale Green Bay Pakers 19 a 7. Washington Redskins ranpòte yon viktwa an deplasman lakay Sen Louis Rams 24 a 9.

Southern California ap rankontre ak Tekzas Longhorns nan final Rosebowl la nan Kalifòni 4 Janvye--2 ekip ki gen yon palmarès 12 viktwa 0 defèt. Florida State ap rankontre ak Penn State nan final Orange Bowl la nan Miami 3 Janvye. Georgia Tech ap rankontre ak West Virginia nan Sugar Bowl la le 2 Janvye nan Atlanta Georgia epi Notre Dame kont Ohio State nan Fiesta Bowl la.

NBA

Kobe Bryants make 29 pwen pou ede Los Anjeles Lakers ranpòte yon viktwa de justès devan Charlotte Bobcats 99 a 98. Boston Celtics ranpòte yon viktwa tou mens devan New York Knicks 102 a 99. Seattle Supersonics te fè anpil efò pou l kale Indiana Pacers 107 a 102. Minnesota Timberwolves pat rankontre oken difikilte pou l kale Sakramento Kings 85 a 77. Utah Jazz kale an deplasman Portland Trailblazers 98 a 93.

XS
SM
MD
LG