Accessibility links

Breaking News

Chanpyona KONKAKAF la ap Kòmanse Debu Ane Pwochèn


Football

Responsab yo nan KONKAKAF la anonse dat pou chanpyona konkakaf dè klub chanpyon ak vis chanpyon kap kenbe fòma eliminasyon mò subit ak rankont ale / retou. Seri a ap debute 22 Fevriye jusko 19 Avril. Faz final la pral mete ansanm 2 klub ameriken ak Meksiken. 1 klub kalifye nan Karayib la ak 3 klub Unyon Sant Amerik la. Responsab yo nan Konkakaf la pral fè yon tiraj osò nan New York nan kòmanse ane 2006 la.

Klub Kosta Riken Deportivo Saprissa ap reprezante zòn nan nan koup du mond dè klub chanpyon ki gen pou dewoule an Desanm O Japon an Desanm ane sa a.

Aswè a nan stad Jalisco O Meksik seleksyon lokal la ap rankontre ak Urugwe nan kad yon match amikal chofe jarèt. 2 ekip yo rankontre 15 fwa nan istwa. Meksik ranpòte 5 viktwa yo pèdu 3 e yo fè 7 match nul.

Yon lòt kote Porto Riko ap pare pou akeyi Gwadeloup 30 Oktòb kap vini la a nan kad yon match amikal chofe jarèt. Rankont la ap jwe nan Bayamon.

Franse Philippe Troussier nonmen kòm antrenè seleksyon nasyonal football Maròk la. Dapre nouvèl yo Troussier, ki jwen djòg la sou total 9 kandida, ap supèvize aktivite tout seleksyon yo. Maròk elimine nan faz final koup du mond Almay 2006 la.

Pap Benoit 16, ki se yon alman, rankontre ak komite òganizatè koup du mond Almay 2006 la-yon rankont Frantz Beckenbauer akeyi ak 2 bra louvri. Pap la ki mande enfòmasyon sou seleksyon Alman an, fè konnen li pral swiv nan televizyon match ki pi enpòtan nan tounwa a.

Li posib pou franse Zinedine Zidane pa patisipe nan 2 pwochen rankont la Frans gen pou jwe mwa pwochen an. Franse yo gen pou rankontre ak Kosta Rika nan yon amikal kap jwe nan Martinik le 9 Novanm avan li retounen an Frans kote li pral akeyi seleksyon Alman an.

Ansyen footbalè franse Michel Platini reafime opozisyonn ansanm ak FIFA kont lide pou abit sèvi ak videyo avan yo pran yon desizyon. FIFA te otorize abite yo sévi ak video pandan dewoulman koup du mond kadè an ki sot dewoule O Perou kòm pati yon eksperimantasyon--donk yo pral analize rezulta yo pou konnen si wi ou non yap pèmèt abit sèvi ak videyo pandan dewoulman koup du mond almay 2006 patikilyèman lè pou konnen si balon an te travèse liy gòl la.

Basketball

Asosyasyon Nasyonal Basketball Ameriken anonse demisyon Asistan direktè lig la Russ Granik apre debu sezon an 1 Novanm. Granik pase 30 tan kòm ekzekutif NBA a. An tan ke manb òganizasyon an Russ Granik patisipe nan negosyasyon ak sendika jwè yo, kontra ak chèn televizyon ak lòt tranzaksyon. Msye ap rete kòm konseye responsab Lig la David Stern.

Patinaj Atistik

KWAN Michelle Kwan ki se chanpyon du mond atistik 5 fwa-- 9 fwa chanpyon ameriken, pap patisipe nan tounwa patinaj atistik ki gen pou dewoule an Chin an Novanm--dènye opòtunite pou l te patinen nan yn chanpyona Gran Pri avan je zolenpik divè 2006 yo.

Tennis

2 tèt de seri tounwa tenis Gran Prix Lyon an elimine. Bèlj Olivier Rochus suprann bonanj arjanten Mariano Puerta 4-6, 7-5, 6-3 epi franse Marc Gicquel pase espayòl David Ferrer 2 kout rakèt 6-4, 6-0. Ameriken Andy Roddick surviv tounwa a apre li tronse franse Thierry Ascione 7-5, 6-3. Italyen Davide Sanguinetti elimine espayòl Feliciano Lopez 6-7, 6-4,6-4.

XS
SM
MD
LG