Accessibility links

Lèzetazini Pa Pral Apiye Okenn Trafikan Dwòg Ni Responsab Vyolasyon Dwazimen.


Chaje dafè ameriken an, Thimothy Michael Carney, lanse miz'an gad sa a pandan yon seremoni kote gouvènman ayisyen ak Chanm Komès Ayisyano-Ameriken an tap remèt diplomat la yon don 36 mil dola pou viktim siklòn Katrina ki devaste 3 Eta sou kòt sidès Etazini, sa gen yon tikras plis ke yon mwa. Msye Carney, ki tap pale sou pwochen eleksyon yo, repete avètisman ansyen anbasadè Etazini an'n Ayiti James B. Foley te fè kèk jou anvan l' te kite pòs li nan repiblik ayisyen an: "Etazini pa pral apiye okenn prezidan ki mele nan trafik dwòg ak nan vyolasyon dwa moun". Chaje dafè Carney mande elektè ayisyen yo pou yo veyatif epi chèche konnen byen kandida yo prale vote nan pwochen eleksyon yo. Sepandan, chèf misyon diplomatik Etazini an pa lonje dwèt sou okenn moun an patikilye.

Msye Carney remèsye pèp ayisyen an nan non gouvènman li reprezante a e li di jès sa a (don 36 mil dola a) genyen anpil enpòtans nan je peyi li ki deja benefisye nan le pase konkou pèp ayisyen-an--yon referans sou patisipasyon esklav nwa Sen-Domeng yo (ki te fonde Eta Dayiti) nan lagè endepandans amerikèn nan.

XS
SM
MD
LG