Accessibility links

Breaking News

Ayiti Woule Il Vyèj Britanik Yo


Football

Seleksyon football feminen ayisyen kategori Juniò demantibile seleksyon Il Vyèj Britanik yo ak 12 gòl a 0 depi nan premye mitan--yon kanaval gòl ki fòse ekip advès la pa kriye fòfè nan 2 zièm mitan an tèlman yo jen-nen. Se yon kwadrangulè ki antre nan kad eliminatwa koup du mond Juniò a pou zòn Karayib la. Nan lòt rankont Republik Dominikè n fè yon sèl bouche ak zil Vyjè ameriken yo 8 a 0.

Demen Vandredi Ayiti ap rankontre ak Il Vyèj Ameriken yo. Jodi a D-C United ap rankontre ak Univèsidad Katolica O Chili nan kad match retou Kopa Amerika a. 2 ekip yo te fè match nul 1 a 1 nan match ale a ki te dewoule isit Washington.

Nan lig football balon ameriken an Kolirado Rapids kale Real Salt Lake 2 a 0. Kolonbus Crew fè match nul 1 a 1 ak New England Revolution. FC Dallas woule Galaksi 4 a 1. San Jose Earthquake tronse Chikago 2 a 0.

Yon machann byè alman pwomèt pou bay 10 mil lit byè bay fanatik premye ekip ki kale Baryern de Munich nan chanpyona Alman an. Machann kleren an dispoze ogmante mil lit an plus pou chak viktwa ekip la ranpòte. Bayern jwe 15 match ke li poko pèdu. Hambourgh ki klase 2 zièm nan chanpyona a, se premye ekip ki pral chache leve defi a lè lap rankontre ak Bayern de Munick Samdi nan Bundersliga a.

La polis Meksiken libere antrenè klub football Cruz Azul arjanten Ruben Omar Romano ke ravisè te kidnape nan Meksiko Citi depi 19 Juyè. Dapre nouvèl la polis ta mete anba kòd plizyè nan kidnapè yo apre yo te fè desant de lye nan yon katye pòv. A pati Vandredi kap vini la a federasyon football Pakistanè a ap lanse yon chanpyona football feminen kote li mande pou tout meda m yo mete patalon long ak mayo manch long.

Sugar Bowl youn nan final footbal Univèsitè yo ki konn dewoule nan Nouvel Orleans 2 Janvye ap dewoule nan Baton Rouge Louisiane. Sepandan pa gen garanti final kapab jwe nan eta Louizyan ki kapab deplase pou la premyè fwa depi 1935 akoz pwoblèm ebèjeman. Responsab spòtif Atlanta pwopoze pou final la ta jwe nan Jorjia Dome nan

Tennis

Tèt de seri numero 2 tounwa tenis an sal Kalkuta a Rus Elena Likhovsteva kalifye pou kar de final tounwa tenis kap dewoule an sal apre li elimine ameriken Sunitha Rao 6-3, 6-1. Manmzèl pral rankontre ak Swedwa Sofia Arvidsson ki elimine Italyen Antonella Serra Zanetti 6-2, 6-1.

An Chin Rus Maria Sharapova ak Venus Williams kalifye pour kar de final tounwa tenis Open Peken an.

Basketball

Ekip Basketball New Orleans Hornets la anonse pifò match a domisil yo swa yon total 35 rankont pandan sezon regulye a ap dewoule nan Oklahoma. 6 lòt match ak jwe nan Baton Wouj yon fason pou pèmèt prezans ekip la nan eta a. Hornets ap louvri sezon an nan Cleveland, Ohio 2 Novanm.

XS
SM
MD
LG