Accessibility links

Etazini bay Ayiti Plis pase 5 Milyon Dola pou Òganizasyon Eleksyon yo


Washington bay Pòtoprens yon asistans 5 milyon 275 mil dola pou ede Konsèy Elektoral Pwovizwa a òganize eleksyon prezidansyèl yo, eleksyon lejislativ yo ak eleksyon minisipal yo. Gwoup ki pral ko-òdone asistans sila a se Pwogram Nasyon zini pou Devlopman (PNUD).

Pwogram sa a gen responsablite pou l resevwa e jere èd bayè de fon yo bay pou òganize eleksyon yo ann Ayiti. Chaje dafè Etazini an ann Ayiti, Timothy M. Carney avèk reprezantan PNUD ann Ayiti a, Adama Guindo, siyen akò sa a vandredi 9 septanm 2005 la.

Pou kounye a, montan asistans Etazini bay Ayiti pou ede òganize eleksyon yo depase 31 milyon dola ameriken.Gouvènman ameriken an rekonèt enpòtans eleksyon kredib pou pèp ayisyen an e Washington pran angajman pou l ofri apwi li bay nouvo gouvènman ki pral sòti nan eleksyon ki fikse pou fen ane a ann Ayiti.

Klike sou lyen anlè a pou w tande plis nouvèl ki fè aktyalite ann Ayiti pou jounen vandredi 9 septanm nan.

XS
SM
MD
LG