Accessibility links

Breaking News

Prezidan Kou Siprèm Etazini an, William Rehnquist, Mouri Samdi Pase.


William H. Rehnquist desede samdi swa 3 septanm nan apre plizyè mwa konba ak yon kansè tiwoyid. Lanmò li mete fen nan yon karyè 33 zan nan Kou Siprèm Etazini an--pi gwo tribinal peyi a--ki, vinn pi konsèvatè anba lidèchip li. Msye Rehnquist te prezidan tribinal ki tap tande pwosè-destitisyon kont prezidan Bill Clinton nan Sena a (an 1999) e se vòt li ki te deside rezilta definitif eleksyon prezidansyèl Novanm 2000 la anfavè kandida George W.Bush. Vwayaj li pou peyi san chapo kreye yon 2zyèm twou vid nan Kou Siprèm nan--yon situasyon ki ra nan istwa Etazini.

Msye Rehnquist, 80 zan, mouri lakay li nan Arlington (Eta Virginie) avèk 3 pitit li genyen yo bò kote li. Madanm li te desede an 1991. Jij William H. Rehnquist pase 33 zan nan Kou Siprèm kote li te antre an 1972, sou prezidan Richard Nixon.

XS
SM
MD
LG