Accessibility links

Spò Aktyalite 8/25/05


Athletisme

Atlèt Rus Tatyana Lebedeva kapab raproche l pou l ranpot̀e yon milyon dola an ò lè lap patisipe nan konpetisyon Lig Golden Memoryal Van Damme nan kap dewoule nan Brussel demen Vandredi a. Manmzèl se sèl atlèt kap patisipe nan konpetisyon an e ki kalifye pou ranpòte jakpòt la akoz li te deja ranpòte 4 tit nan disiplin li pratike a. Manmzèl bezwen ranpòte konpetisyon Brusèl la demen Vandredi a ak konpetisyon Berlen an 4 Septanb. Kourè Etyopyèn Kenenisa Bekele ap patisipe nan kous 10 mil mèt la kote li pral chache amelyore rekò l.

Lig dè Champyon

Premye tou koup dè chanpyon Europeyen pou sezon 2005-2006 ap demare le 13 e 14 Septanb pou match ale a dapre tiraj osò ki fèt jodi a nan Monaco. Nan group A a nou jwen Bayern de Munich, Juventus de Turen, F.C. Bruges ak Rapid de Vienne.

Group B-a reyuni Arsenal, Ajax Amsterdam, Sparta de Prag ak klub Swis Thone. Group C a gen nan tèt li Barselòn, Panathinaikos, Werder de Brem ak Udinese.

Manchester United nan tèt group D a answit nou jwen Villarreal, Lille, Benfica de Lisbonne. Group E a gen landan Milan A C, PSV Eindhoven, Shalke 04 ak Fernerbah.

Real Madrid nan tèt group F la ansanm ak Lyon, Olympiakos, Rosenborg. Group G a gen ladan Liverpool, Chelsea, Anderlecht ak Betis Seville. Inter de Milan nan tèt group H la ansanm ak FC Porto, Glasgow Rangers ak F-C Bratislava.

Negosyasyon kap fèt pou defansè ayisyen Pierre Jean Jacques kite klub football Urugweyen Penarol de Montevideo pou al jwe nan klub football franse Nantes. Dapre pati konsène pati konsène yo deja mete yo dakò eksepte yon seri de detay. Pierre Jean Jacques kapab siyen yon kontra ak FC Nantes pou 3 zan pou plis pase 1 milyon dola. Penarol ap kenbe 40 pou 100. Cavaly de Leogane ansyen klub defansè a ap resevwa 20 pou 100 epi 40 pou 100 ap pataje ant diferan manadjè ak Pierre Jean Jacques.

F.C. Dallas elimine D.C. United nan koup US Open nan sou tir de penalite 4 a 1 apre tan reglemantè a te fini 1 a 1.

Yon lòt kote kapitèn klub football angle Liverpool Steven Gerrard deziye kòm meyè jwè Europeyen pou sezon 2004 -2005 la. Gerrard ki ranpòte Lig dè chanpyon Europeyen an ak Liverpool ranplase Pòtugè Deco ki te ranpòte tit la sezon 2003 -2004 la.

Klub espayòl Deportivo La Coròy pral fè yon reklamasyon devan Unyon Football Europeyen an apre defèt li subi devan Marseille nan koup Intertoto a Madi swa. Marseille danse sou Deportivo Lacoròy ak yon swif 5 a 1 apre abit la te mete 2 jwè deyò.

Kriz la ap kontinye nan federasyon football kenya a apre FIFA te suspann federasyon pou yon ti bout tan. Federasyon football gen 2 responsab. Ansyen responsab federasyon Football Kenya Titus Kasuve di li pran kontwòl federasyon an. Semen pase a Prezidan federasyon an Alfred Sambu te blese nan yon aksidan misterye. Ministè spò Kenyan an kore msye Kasuve nan pòs la pandan ke FIFA mande pou Moni Wekesa dirije sekretarya federasyon an.

Tennis

US Open Swis Roger Federer pati favori nan tirja osò tounwa tenis US Open nan kap kòmanse Lendi nan Flushing Meadows. Malerezman tchèk Ivo Minar tonbe sou zo grann li lè lap rankontre ak numewo 1 mondyal Federer nan premye tou a. Kay meda m yo Belj Kim Clijsters ap rankontre ak Grèk Eleni Danilidou.

Armstrong/ Doping

Siklis ameriken Lance Armstrong ki ranpòte kous bisiklèt Tour de Frans la 7 fwa, kòmanse ap defann akuzasyon kap peze sou tèt li kòm kwa li ta pran dròg EPO an 1999-ane li te ranpòte premyè konpetisyon an. Amstrong pral defann tèt li aswè a nan chèn televizyon ameriken

Basketball

Seleksyon nasyonal basketball maskulen ameriken an tronse Panama 94 a 72 nan kad rankont kalifikatif koup du mond basketball. Gen 10 peyi nan Amerik yo kap patisipe nan tounwa a kap dewoule nan kapital Republik Dominikani a Santo Domingo e kap fini 4 Septanb. Etazuni ap rankontre ak Brezil jodi a. 4 premye yo ap kalifye pou chanpyona du mond la kap dewoule O Japon ane pwochè n.

Bob Huggins demisyone kòm antrenè ekip basketball univèsite Cincinnati a apre li menm ansanm ak univèsite a jwen yon akò de prensip pou achte 2 zan ki rete nan kontra a. Madi pase Univèsite a te bay Huggins yon delè 24 trè swa pou l demisyone ou byen yo revoke l. Huggins, ki gen 16 zan depi lap antrene ekip la, men-nen univèsite a nan 14 faz final NCAA ak yon semi final an 1992. Msye gen yon palmarès 567 viktwa ak 199 defèt nan 24 tran karyè. Kòm antrenè Univèsite Cincinnati Huggins ap kite Univèsite a ak yon palmarès 399 viktwa 127 defèt.

Klike sou ralonj ki sou tèt atik sa a pou tande yon repòtaj espesyal ak Sekretè Jeneral Federasyon Spò Univèsitè yo Herbie Beralte.

Nou kapab tande tout entèviou Herbie Beralte la.

XS
SM
MD
LG