Accessibility links

Breaking News

Spò Aktyalite 8/8/05


Atletisme

Marchè Rus Olimpiada Ivanova bat premye rekò nan chanpyona Atletis mondyal kap dewoule nan Helsinki, Findland ak yon viktwa li ranpòte nan 20 kilomèt mach la ak yon 1 hè--25 minit--41 sekond devan Belarus Ryta Turava ak Pòtugè Susanna Feitor.

Nan lòt rezulta kourè ameriken Justin Gatlin ranpòte meday dò nan kous 100 mèt la devan Jamayiken Michael Frater ak Kim Collins ki soti nan Saint Kitts and Nevis. Jamayikèm Trecia Smitch ranpòte triple so feminen an devan Kuben Yargelis Savigne ak Rus Anna Pyatykh. Swedwa Carolina Kluft ranpòte konpetisyon ki reyuni 7 disiplin nan ak yon total 6 mil 887 pwen devan franse Eunice Barber ak Ganayen Margaret Simpson.

Apre jounen yè a tablo meday Etazuni gen 2 meday, Etyopi gen 3, Jamayik ak la Rusi gen 2 meday Ekwatè, Kuba, Sen Kitts and Navis figure pami peyi ki genyen yon meday.

Football

2 klub premyè divizyon angle pou pipiti manifeste enterè pou yo ta siyen yon kontra ak football Angle Michael Owen si se vre lap kite Real Madrid yon lane apre 2 pati yo te siyen yon kontra kap fini an lan 2008. Responsab yo nan Real Madrid konfime Newcastle United ak Manchester United ajoute non yo sou lis ekip ki ta renmen siyen yon kontra ak Owen ki gen 25 kan.

Mitan teren Brezilyen Kleberson kite Manchester United apre 2 move sezon li pase pou l jwe nan klub Turk Besiktas pandan 3 zan, dapre anons klub la fè jodi a. Besiktas ap peye Manchester United 4 milyon 400 mil dola pou transfè a.

Klub football Italyen Genoa desann nan 3 zièm divizyon pou magouy. Tribunal dapèl Lig football Italyen an rejte demand klub la te fè pou te mete akote desizyon pou te relege l nan 3 zièm divizyon apre komisyon disiplinè Italyen te jwen li koupab pou magouy yo te fè nan dènye match pou sezon an kont Venezia-rankont Genoa te ranpòte 3 a 2. Yon lòt kote tribunal abitral leve pwovizwaman entèdiksyon pou AS Rom siyen kontra ak nouvo jwè.

Shalke 04 kale Kaiserslautern 2 a 1 nan yon rankont difisil pandan premyè jounen chanpyona Bundersliga a ki kòmanse depi Vandredi. Bayern de Munick, chanpyon sòtan an, pat gen pwoblèm pou l kale Monchengladbach 3 a 0.

La Chin kale Kore du Nò 2 a 0 pou l ranpòte kwadrangulè football Azi du Sudès la ki tap dewoule nan Daegu an Kore du Sud. Japon kale Kore du Sud 1 a 0 pou l konsole l ak 3 zièm plas la. Seleksyon football feminen Sud Koreyen an ranpòte koup Federasyon Football Azi du Sudès la malgre yon fè match nul 0 a 0 ak Japon. Sud Koreyen yo fini tounwa a 7 pwen devan Kore du Nò, Japon ak la Chin.

Tennis

Ameriken Andy Roddick kale konpatriòt li James Black pou l ranpòte tounwa tenis Legg Mason ki tap dewoule isit Washington. Rezulta final la se 7-5, 6-3 an favè Roddick ki ranpòte konpetisyon an pou yon 2 zièm fwa.

Franse Mary Pierce kale Japonè Ai Sugiyama 6-0, 6-3 pou l ranpòte tounwa tenis Accura Classic la ki tap dewoule nan San Diego Kalifòni.

Ameriken Andre Agassi klase 7 tièm plas nan dènye klasman ki publiye jodi a. Swis Roger Federer klase numewo 1 devan Espayòl Rafael Nadal, Lleyton Hewitt, Rus Marat Safin ak Andy Roddick. Bò kote meda m yo ameriken Lindsay Davenport toujou nan tèt devan Rus Maria Sharpova, Svetlana Kuznetsova, Justine Henin Hardenne, Elena Dementieva, Serena Williams, Venus Williams.

Cyclisme

Siklis Italyen Ivan Basso ranpòte 15 zièm edisyon kous bisiklèt Tour Danmak la devan Lituanyen Tomas Vaitkus ak Italyen Paride Grillo. 120 siklis ki reprezante 15 ekip patisipe nan konpetisyon an ki kouvri 850 kilomèt.

Natation

Najè Ostralyen Libby Lenton ranpòte kous 100 mèt naj lib konpetisyon natasyon kap dewoule nan Melbourne an Ostrali.

XS
SM
MD
LG