Accessibility links

Breaking News

Spò Aktyalite 7/18/05


Football

Kolonbi ki se envite espesyal koup dò Konkakaf la suprann chanpyon sòtan an Meksik ak yon viktwa 2 a 1 pou l kalifye pou semi final kap kòmanse Jedi fas a Panama ki elimine Afrik du Sud, yuon lòt envite sou tir de penalite 5 a 3 apre 2 ekip yo te fini a egalite pandan pwolongasyon. Nan lòt semi final la kap jwe nan Giant Stadium nan New Jersey Etazuni ap rankontre ak Honduras.2 venkè yo ap rankontre an final Dimanch toujou nan Giant Stadium nan.

Klub football franse Lyon ranpòte yon viktwa 2 a 1 devan klub Sud Koreyen Seongnam Ilhwa nan 3 zièm jounen koup la pè a kap dewoule an Kore du Sud. Klub Olandè PSV Eindoven fè match nul 0 a 0 ak klub Kolonbyen Once Caldas. 8 klub ki soti tout kote sou tè ap patisipe nan tounwa a kap fini le 24 Juyè--venkè a ap retounen nan peyi a 2 milyon dola pri.

Klub footbal angle Chelsea sanble ta dakòl pou l peye 36 milyon 800mil dola kòm frè transfè an favè mitan teren Manchester City Shaun Wright-Phillps. Phillips dwe pase yon ekzamen medikal avan antant la tounen reyalite.

Nan Lig football balonwon ameriken D-C United woule San Jose Earthquake 3 a 0 Vandredi pou l pataje 4 trièm plas la ak Metro Stars. Chikago Fire toujou nan tèt konferans la ak 36 pwen.

Tennis

Slovaki kalifye pou semi final koup Davis la apre yo elimine La Oland ak yon viktwa 4 a 1 nan Bratislava. Arjantin elimine Ostrali 4 a 1 nan vil Sidney. La Rusi remonte yon defisi pou l elimine la Frans 3 a 2 pandake Kwasi elimine Woumani. Semi final la kap kòmanse 23 Septanb Arjantin ap rankontre ak Slovaki pandanke la Rusi ap jwe an deplasman lakay Kwasi.

Natation

La Chin ranpòte 2 meday dò nan plonje senkwonize chanpyona mondyal natasyon kap dewoule nan Montreal Kanada. La chin vwayaje ak jè n plonjè kap prepare pou je zolenpik yo an lan 2008 nan vil Peken. Chinwa yo te ranpòte 6 meday dò sou yon total 8 pandan dewoulman je zolenpik Atè n 2004.

Cyclisme

Siklis ameriken Lance Armstrong ap repoze l ansanm ak lòt siklis kap patisipe nan kous bisiklèt Tour de Frans avan yo grenpe dènye etap nan mòn Pyrene yo demen Vandredi a . Amstrong nan tèt klasman jeneral la ak 2 minit 46 sekond. Konpetisyon an ap fini Dimanch nan vil Paris.

XS
SM
MD
LG