Accessibility links

Breaking News

Spò Aktyalite 7/6/05


Tour de France

Siklis Ostralyen Robbie McEwen ranpòte 5 kièm etap kous bisiklèt Tour de Frans la ki kouvri yon distans 183 kilomèt. Ameriken Lance Armstrong, ki dèyè yon 7 tièm tit afile, toujou nan tèt klasman jeneral la ak 55 sekond.

NBA

Seattle Supersonics ofri pou l peye Ray Allen 80 milyon dola sou yon periòd 5 kan plis 5 milyon dola bonus. Poko gen detay sou konbyen lajan Allen pral touche chak ane. Periòd pou jwè yo resiyen ou byen siyen yon kontra ak yon ekip fikse le 22 Juyè.

Olenpik 2012/ Lond

Komite Olempik Entènasyonal seleksyone vil Lond kòm syèj pou òganize je zolenpik yo an lan 2012. Pari te nan yon lut tèt a tèt ak vil Lond apre manb komite a te elimine Moskou, New York ak vil Madrid nan tiraj osò a. Komite Olenpik la te seleksyone 5 finalis sou yon total 9 vil ki te manifeste entansyon yo pou òganize je yo. Nan vil Lond se te la jwa pandan ke se tristès nan vil Paris. Nan vil New York rezidan yo poko finn dijere nouvèl la. Nan vil Madrid ak Moskou fanatik yo te bat chalbari lè yo tande nouvèl la.

Football

Atakan Inter de Milan Christian Vieri kite ekip la pou l al jwe nan Milan AC malgre kontra 2 zan li te siyen ak Inter de Milan e ki te koute 14 milyon 500 mil dola chak ane. Pa gen detay sou nouvo kontra a.

Kapitèn klub Angle Liverpool, Steven Gerrrad ap kontinye jwe pou klub la apre li te manifeste entansyonn pou l al jwe nan yon lòt klub. Chelsea vle sote sou okazyon an e ofri 56 milyon dola pou l achete sèvis Gerrard. Yon responsab nan klub la anonse desizyon an.

XS
SM
MD
LG