Accessibility links

Sekretè-Deta Condoleezza Rice Bay Opinyon li sou Kriz Ayiti a


Sekretè-deta ameriken an, Condoleezza Rice, te nan Florid pou Asanble Jeneral L'OEA a e kolaboratè nou Jean Lyonel Desmarattes te gen chans fè yon ti koze ak li sou sitiyasyon Ayiti ap travèse jounen jodi a. Te gen lòt jounalis sou plas e yo te abòde kesyon ki konsène CARICOM ak rejyon Ameriken yo an jeneral.

Sou ka Ayiti a, Madam Rice di gen yon estrateji ak twa (3) pwen k'ap pèmèt peyi a soti nan kriz li ye a. Pou kòmanse, fòk gen estabilite. Ansuit, fòk yo akselere devlòpman ekonomik la. Anfen, sou plan politik, fòk gen yon bon jan dyalòg.

Se nan kontèks efò pou dyalòg sa a, ak reyalizasyon eleksyon 2005 yo, ke Asistan-Sekretè-deta Roger Noriega ap desann Pòtoprens apre reyinyon L'OEA a pou li rankontre responsab divès sektè yo.

Condoleezza Rice di Lavwadlamerik "Li trèzenpòtan pou L'ONU reyisi" misyon ni an ann Ayiti. Pa rete anpil tan, kèk mwa sèlman, men fòk nou travay pou reyalize objektif nou te fikse a.

Klike sou ralonj anlè tèks sa a pou w ka tande ti kozman Lyonel Desmarattes te fè ak Chèf diplomasi amerikèn nan.

XS
SM
MD
LG