Accessibility links

Spò Aktyalite 6/2/05


Tennis

Belj Justine Henine-Hardenne kalifye pou final tounwa tenis Roland Garos la apre li elimine ak 2 kout rakèt Rus Nadia Petrova 6-2, 6-3-- Manmzèl ap rankontre an final ak franse Mary Pierce fè 2 bouche ak Rus Elena Likhovtseva 6-1, 6-1. 2 jwè ki rankontre 3 fwa deja --3 rankont Henin-Hardenne ranpòte.

Bò kote mesye yo Arjanten Mariano Puerta ap rankontre ak Rus Nikolay Davydenko epi nan lòt semi final la Swis Roger Federer ap rankontre ak Espayòl Rafael Nadal ( yon final avan la lèt). Semi final la ap jwe demen Vandredi.

NBA

Aswè a Miami Heat ap akeyi Detroit Pistons nan kad 5 kièm rankont yap jwe nan final konferans de Lès la. 2 ekip yo a egalite ak 2 viktwa patou. Venkè seri a ap rankontre ak San Antonio Spurs ki ranpòte final Konferans de Lwès la e kalifye pou final nasyonal apre yo elimine Phoenix Suns 101 a 95 pou ranpòte seri a 4 viktwa 1 defèt.

Responsab Cleveland Cavaliers yo nonmen Mike Brown kòm nouvo antrenè ekip la. Brown, ki pase 13 zan kòm asistan antrenè San Antonio Spurs, ap gen pou misyon ede Cavaliers yo kalifye pou faz final la. Cleveland te sou wout pou l kalifye lè yon pwoblèm entèn demoralize jwè yo--pwoblèm tankou chanjman pwopriyetè ak revokasyon antrenè a Paul Silas.

Football

Klub footbal Angle Chelsea, antrenè a Jose Mourinho ak defansè Arsenal Ashley Cole gen pou peye yon amand plis pase 1 milyon dola apre komisyon lig football Angle a jwen yo koupab vyolasyon règleman Lig Premye Divizyon an nan achte jwè ki deja gen kontra ak yon lòt ekip.. Chelsea ap peye yon amand 543 mil dola e kapab pèdu 3 pwen nan klasman si l komèt menm erè a pwochen sezon an. Mourinho ap peye yon amand 362 mil dola epi Cole ap peye yon amand 181 mil dola. Pati konsène yo gen 2 semen pou yo ale an apèl. Komisyon an jwen Cole koupab apre li te antre nan negosyasyon ak Chelsea malgre li te gen yon kontra ak Arsenal kap vini an 2007--Chelsea ranpòte chanpyona Angle a --premye trofe depi 1955. Isit Ozetazuni Chivas USA fè match nul 1 a 1 Mèkredi swa ak Kansas City Wizards.

Atletisme

Kourè ameriken Marion Jones pral chache ranpòte la viktwa lè lap patisipe nan kous atletism FBK nan Hengelo nan La Oland. Jones, ki kap chache bliye pawòl kap pale kòm kwa li ta pran steroyid, te fini 2 zièm dèyè Bahameyen Chandra Sturrup nan kous Atletis Milan an.

Boxe

Doktè yo nan Los Anjeles dousman retire boksè Meksiken Ruben Contreras nan koma gras ak yon seri de medikaman yo ba l. Contreras te soufri yon blesu nan tèt pandan li tap boukante kout pwen ak ameriken Brian Vilora.

Konsèy Mondyal Boks la pran tit boksè espayòl Javier Castillejo te ranpòte nan kategori plis pase 69 kilo apre li refuze goumen ak boksè Nikaragweyen Ricardo Mayorga--yon rankont responsab yo konsidere kòm kondisyon pou Castillejo konsève tit la.. Òganizasyon Boks Mondyal mande ameriken Oscar de La Hoya pou l batay ak Mayorga pou konble vid la.

XS
SM
MD
LG