Accessibility links

Spò Aktyalite 5/24/05


Tennis

Bèlj Justin Henin-Hardenne kalifye pou pwochen tou tounwa tenis Roland Garos la apre li elimine espayòl Conchita Martinez 6-0, 4-6, 6-4. Espayòl Juan Carlos Ferrero pat gen pwoblèm pou l kale Slovak Karol Beck 6-4, 6-3, 6-3

NBA

Chanpyon sòtan an Detroit Pistons pran yon avantaj devan Miami Heat nan kad premye nan seri 7 match semi final chanpyona nasyonal NBA ki jwe yè swa nan Miami. Rasheed Wallace make 20 pwen nan rankont e trape balon an 10 fwa pou ede Detroit kale Miami 90 a 81. 2 belijeran yo ap rankontre demen swa toujou nan Miami. Aswè a Final Konferans de Lwès la ap rapousib lè San Antonio Spurs pral lakay Phoenix Suns pou yon 2 zièm rankont--San Antonio ap domine seri a ak 1 viktwa 0 defèt.

Responsab yo nan Philadelphia 76ers revoke antrenè a Jim O’Brien yon lane depi yo te anplwaye l. Se ansyen antrenè Portland Trailblazers Maurice Cheeks kap ranplase l. O’Brien te ede 76ers yo kalifye pou faz final ak yon palmarès 43 viktwa 39 defèt. Detroit Pistons te elimine yo nan premye tou faz final la.

Football

Milyadè ameriken Malcom Glazer anonse plan pou l privatize epi retire Manchester United sou mache la bous Lond la a pati de 22 Jwen. Glazer gen yon majorite 76 pwen 2 pou 100 aksyon nan klub la epi msye dispoze achte rès aksyon yo. Fanatik yo te opoze acha Manchester a. Mezu sekurite yo ogmante nan Istanbul an Turki nan kad preparatif kap fèt pou final koup dè chanpyon an ant Milan A.C. ak Liverpool ki fikse pou demen. Fanatik yo Milanè yo(wouj e nwa) kòmanse rive nan kapital la depi yè Lendi a. Pou evite tout konfwontasyon òganizatè yo ap mete fanatik chak ekip yo nan chak bò stad la. Chak klub resevwa 20 mil biyè pou vann ak fanatik ki vle fè deplasman. Otorite lokal yo mobilize anviwon 9 mil polisye pou mete lòd nan dezòd nan tout vil la.

Nan match amikal entènasyonal la Frans publiye lis 18 seleksyone ki pral rankontre ak la Hongri Madi 31 Me kap vini la a. 4 jwè ki te ede la Frans ranpòte koup du mond la an 1998 pami gadyen an Fabien Barthez pa prezan nan seleksyon an. Meksik ak Etazuni kalifye pou faz final koup du mond Kadè ki gen pou dewoule O Pewou an Septanb ak Oktòb ane sa a. Onduras pral jwe yon match de baraj ale/ retou ak Kosta Rika pou detèmine 3 zièm reprezantan zòn KONKAKAF la.

Atletisme

Detantè rekò du mond Maraton Paul Tergat ak Catherine Ndereba nan tèt lis pwovizwa federasyon atletis Kenya kenbe nan seleksyon ki pral patisipe nan chanpyona mondyal atletis ki gen pou dewoule nan Helsinki, Findland soti 5 pou rive 14 Out pwochen.. Responsab federasyon Atletis Kenyan yo di se sèlman 10 pami pibon atlèt (5 fanm +5 gason) kap reprezante peyi a.

XS
SM
MD
LG