Accessibility links

Breaking News

Spò Aktyalite 5/12/05


Basketball

Indiana Pacers suprann Detroit Pistons ak yon viktwa 92 a 83 e egalize semi final rejyonal la ak yon viktwa patou. Jermaine O’Neal make 22 pwen pandan ke Reggie Miller kore viktwa a ak 19 pwen. Nan Phoenix Dirk Nowitzki make 2 pwen 7 sekond avan fen tan reglemantè a pou pèmèt Dallas Mavericks kale Phoenix Suns 108 a 106 epi egalize seri a ak yon viktwa patou.

Aswè a Miami ap rankontre ak Washington Wizards isit Washington- Miami Heat ap domine seri a ak 2 viktwa kont 0 defèt. San Antonio pral lakay Seattle Supersonics.

Football

An Itali A S Wòm fè match nul 1 a 1 ak Udinize nan kad semi final ale Koup DItali a. Lò semi final la ap jwe aswè a ant Inter de Milan ak Cagliari. An Espay Betis Seville kalifye pou final Koup DEspay a apre yo elimine Atletico Bilbao sou tir de penalite 5 a 4. Betis Seville ap rankontre ak venkè rankont ant Atletico Madrid ak Osasuna kap jwe aswè a.

Jodi a Gadyen seleksyon nasyonal franse a Fabien Barthez prezante jodi a devan Federasyon Football Franse a kote li pral reponn kesyon komisyon Superyè dapèl pou l wè si-l ta ravèse suspansyon 6 mwa pou tèt li ta krache sou yon abit pandan yon match amikal ant Olenpik de Marseille ak klub Maroken Widad.

Tennis

Ameriken Serena Williams pa dure nan tounwa tenis Open Itali a kap dewoule nan vil Wòm. Serena tonbe devan Italyen Francesca Schiavone an 2 manch 7-6, 6-1. Bagay te pi bon pou franse Amelie Mauresmo ki elimine Ostralyen Samantha Stosur 6-2, 6-0. Mauresmo pral rankontre ak Italyen Silvia Farina-Elia ki te debarase l de franse Stephanie Cohen-Aloro 6-3, 6-3. Tounwa sa a antre nan kad preparatif pou tounwa Roland Garos la kap kòmanse semen pwochèn nan.

XS
SM
MD
LG