Accessibility links

Breaking News

Yon Konferans L'ONU sou Trete Kont Pwopagasyon Zam Nikleyè ap Rapousib nan New York


Nan lokal Nasyonzini nan New York, yon konferans ap kontinye jodi a pou egzaminen Trete Kont Pwopagasyon Zam Nikleyè yo. Avèk 188 eta ki siyen n', trete sa a reprezante poto-mitan efò dezameman nikleyè nan lemond.

Nan seyans ouvèti yè lendi a, prezidan konferans la, anbasadè brezilyen Sergio de Queiroz Duarte, te pran lapawòl, ansanm ak Sekretè-Jeneral L’ONU-an, Kofi Annan, Delege gouvènman ameriken an, Asistan-Sekretè-deta Stephen Rademaker, pou n'site non sa yo sèlman.

Delege ameriken an deklare, “Menm jodi a, Iran kontinye derefize bay L’ONU yon kooperasyon total. Iran fè konprann klè ke li detèmine pou li kenbe enstalasyon nikleyè li te konstwi an sekrè yo, sa ki vyole obligasyon n' vizavi Trete Kont Pwopagasyon an. E l'ap kontinye devlope kapasite nikleyè li, yon fason ki pa kadre ak yon akò li te siyen nan mwa novanm 2004 la.”

Nou va gen reyaksyon gouvènman iranyen an pita jodi a lè delege Teheran an, Minis Afè etranjè Kamal Kharrazi, va pran lapawòl nan konferans sila a.

XS
SM
MD
LG