Accessibility links

Breaking News

Prensipal Nouvèl Ayiti Pou Madi 26 Avril la


Nan Pòtoprens, Konsèy Elektoral la, afime yon fwa ankò ke eleksyon yo ap dewoule kanmenm nan sezon Otòn nan. Pozisyon sa a kadre ak sa nou tande nan bouch divès manm klas politik la ann Ayiti, pa egzanp Evans Paul (lidè pati KID) ki kwè li patap bon pou peyi a si eleksyon sa yo ta ranvwaye. Se yon korespondans Renan F. Toussaint.

Nan Gonayiv, yon operasyon enskripsyon senbolik tanmen nan dat 25 avril la, tankou responsab yo te anonse l' la. Sa fèt an prezans zotobre nan gouvènman tranzisyon an ak reprezantan L'ONU. Detay nouvèl sa a ak Duc Jonathan Joseph.

Yon lòt kote, twoup MINUSTAH te tonbe anba kout wòch ak jouman nan Plato Santral apre yon tantativ pou yo te arete nèg ki pwoklame tèt li kòmandan militè demobilize yo nan rejyon an, Joseph Jn-Baptiste. Korespondan nou Jn-Christophe Collègue fè konnen gen kèk viktim nan popilasyon sivil la e twoup yo arete yon ansyen militè.

Lè ou klike sou lyen ki anlè paj la w ap tande tout detay nouvèl sa yo.

XS
SM
MD
LG