Accessibility links

Spò Aktyalite 4/22/05


FOOTBALL

Gadyen -d-bu seleksyon franse a Fabien Barthez resevwa yon suspann 3 mwa pou tèt li krache nan figi yon abit Maroken pandan match amikal ant Olempik de Marseille ak yon klub Maroken an Fevriye. Barthez resevwa yon lòt 3 mwa adisyonèl. Sepandan Bernard Saules, prezidan sendika abit franse yo pa kontan ak desizyon an ki, dapre li, te dwe resevwa 6 mwa minimòm. Prezidan komite disiplinè federasyon franse a di Barthez pat krache nan figi abit la -li te sèlman krache sou li. Suspansyon an vle di Barthez pap kapab jwe pou Olenpik de Marseille kap fè efò pou l kalifye pou chanpyona Europeyen ane pwochèn non plis tou Barthez pap kapab jwe 2 match enpòtan pou seleksyon franse a --kont Irland ak la Swis.

Isit Ozetazuni demen Samdi a D-C United ki elimine nan chanpyona Konkakaf dè klub chanpyon ak vis chanpyon ap resevwa New England Revolution nan kad sezon regulye chanpyona lig football balonwon ameriken. Footballè Japonè Kimitoshi Nogawa tounen premye footballè Japonè kap jwe nan yon klub kamerounè. Msye kòmanse antrene ak klub Kamerounè Canon nan Yaounde.

Tennis

Tèt de seri numewo 2 tounwa tenis Houston nan ameriken Andre Agassi kalifye pou kar de final tounwa a gras ak yon swif li pase espayòl Alex Calatrava 6-4, 7-5 pou l al rankontre ak franse Sebastien Grosjean ki elimine espayòl Oscar Hernandez 6-4, 5-7, 6-2.

Yon lòt kote ekip tenis femimen frans la ap prepare pou l mate balon fas a ekip tenis Otrich la Samdi ak Dimanch. Nan lòt rankont Etazuni ap akeyi Bèljik nan Delray Beach an Florid, la rusi ap rankontre ak Itali. Espay kont Arjantin. Nan group 2 a la Swis ap jwe kont Slovaki, Almay kont Indonezi, Tailand kont Kwasi epi Republik Tchèk pral mate balon fas a Japon.

Basketball

Antrenè Cleveland Cavaliers la Jim Paxon pèdu djòb la apre li pa rive ede ekip la kalifye pou faz final la. Cleveland yo pèdu 8 match nan 13 dènye match sezon regulye a. Cavaliers yo eliminen menm lè yo te fini a egalite ak New Jersey Nets swa 42 viktwa 40 men Nets yo kalifye nan faz final la akoz yo te ranpòte 3 viktwa sou yon total 4 rankont yo te jwe ak Cleveland Cavaliers. Faz final NBA a ap demare weekend sa a ak posibilite pou gen kèk surpiz. Demen Samdi a Philadelphia 76ers pral lakay Detroit Pistons. Houston pral lakay Dallas. Indiana Pacers ap jwe an deplasman lakay Boston epi Sakramento Kings ap nan Seattle Supersonics. Dimanch Washington Wizards ap jwe an deplasman lakay Chikago Bulls. Denver Nuggets ap jwe an deplasman lakay San Antonio Spurs epi Memphis Grizzlies ap fè yon kout pye lakay Phoenix Suns. Miami Heat ap akeyi New Jersey Nets. Ekip sa yo ap jwe yon seri 7 rankont. Yon ekip bezwen 4 viktwa pou l pase nan pwochen tou a.

XS
SM
MD
LG