Accessibility links

Breaking News

Spò Aktyalite 4/19/05


NBA

Philadelphia 76ers kalifye pou faz final NBA a apre viktwa 122 a 106 yo ranpòte devan Milwaukee Bucks.Allen Iverson make 39 pwen nan viktwa a. Memphis Grizzlies ranpòte yon viktwa de justès devan San Antonio Spurs 94 a 92. Houston Rockets danse sou Los Anjeles Clippers 115 a 90. Orlando Majik tonbe devan Indiana Pacers 88 a 82. Minnesota Timberwolves te fè anpil efò avan li kale New Orleans Hornets 102 a 99.

Siklis

Siklis ameriken Lance Armstrong, ki ranpòte kous bisiklèt Tour de Frans la 6 fwa afile, anonse lap pran retrèt li apre li finn patisipe nan kous bisiklèt Tour de Frans la ane sa a--kote li pral chache yon 7 tièm tit afile an Juyè pwochen.

Meday dò Olempik ameriken Tyler Hamilton resevwa yon suspansyon 2 zan pou uzaj steroyid. Federasyon Siklis Ameriken an, ki anonse suspansyon an yè Lendi a, fè konnen Hamilton te teste pozitif pou uzaj anabolizan pandan li tap patisipe nan konpetisyon Tour Despay la 11 Septanb 2004--donk msye ap pèdu tout tit li ta ranpòte a pati de 11 Septanb juska dat otorite yo fè anons la.

Boxe

Chanpyon pwa lou Konsèy Mondyal Boks la Vitali Klitschko ranvwaye match li ta pral fè ak ameriken Hasim Rhaman juskan Septanb akoz li pral fè yon operayson nan do.

Atletisme

Kourè Etyopyen Hailu Negussi ranpòte maraton Boston nan. Kenyan Katherine Nderaba ranpòte maraton Boston nan pou yon 4 trièm fwa.

Footballl

Etazuni kalifye pou faz final chanpyon a du mond kadè a ki gen pou dewoule nan O Pewou. Ayiti pral patisipe nan kwadrangulè final ki gen pou dewoule O Meksik mwa pwochen an. Lòt venkè a ap kalifye pou faz final la pandan ke 2 zièm nan chak group yo ap jwe yon match de baraj ale/retou pou detèmine lòt kalifye a.

An Angletè Chelsea ap akeyi Arsenal demen nan chanpyona Angle a--match ki pral detèmine pwochen chanpyon Lig Football Angle a. An Frans responsab football yo anonse seleksyon lokal la pral jwe yon match amikal chofe jarèt kont la Hongri 31 Me nan kad preparatif pou eliminatwa koup du mond Almay 2006 la. Match sa a , dapre responsab yo, ranplase rankont seleksyon an te supoze jwe kont la Chin--yon rankont ki anule pou rezon finansye. Antrenè franse Raymond Domenech di rankont la ap pèmèt li gen yon ide pi klè sou seleksyon ki pou jwe yon match amikal kont Arjantin 17 Out. Franse yo ap antre danble nan eliminatwa koup du mond la lè yap akeyi Il Feroe le 3 Septanb avan yo rankontre ak Irland le 7 Septanb nan Dublen

XS
SM
MD
LG