Accessibility links

Spò Aktyalite 4/15/05


NBA

Tantativ Cleveland Cavaliers ap fè pou l kalifye pou faz final la pran yon blo apre defèt 95 a 89 yo subi devan New York Knicks. Cavaliers yo a egalite ak Filadelfia 76ers pou 7 tièm plas nan konferans de Lès la men 76ers ranpòte rankont yo tap jwe kont Miami Heat 126 a 119 an pwolongasyon. Manke 4 match pou sezon regulye a fini. Dallas Mavericks danse sou Portland Trail Blazers 102 a 90--defèt ki mete Portland a egalite ak Utah Jazz pou avan dènye plas la.

Football

Klub Rus C-S-K-A de Moskou kalifye pou semi final chanpyona football Europeyen an malgre defèt 2 a 0 yo subi devan klub Franse Auxer. C-S-K-A pral rankontre nan semi final la fas a klub Italyen Parme ki elimine Otruch de Vyèn sou gòl diferans apre yo fè match nul 0 a 0. Klub Olandè AZ Alkmaar kalifye pou semi final la apre yo fè match nul 1 a 1 ak klub Espayòl Villareal. Alkmaar ap rankontre nan semi final la ak Sporting de Lisbon ki benyen Newcastle 4 a 1 nan menm stad kote final la pral jwe ane sa a 18 Me.

Isit Ozetazuni nan lig football balonwon ameriken an D-C Unite ki sot elimine nan semi final chanpyona Konkakaf dè klub chanpyon ak vis Chanpyon an, ap rankontre ak Kolonbus Crew. Kolorado Rapids pral lakay Real Salt Lake

Tennis

Jwè tenis feminen franse Tatiana Golivin elimine ameriken Venus Williams nan tounwa tenis Sèk Familyal la 7-5, 6-4. Golovin pral rankontre nan kar de final la ak Rus Nadia Petrova ki elimine Kwat Jelena Kostanic 6-3, 6-3. Swis Patty Schnyder elimine Tchèk Klara koukalova 6-4, 6-0. Bèlj Justine Henin-Hardenne, Nicole Vaidisova kalifye pour kar de final la.

XS
SM
MD
LG