Accessibility links

Breaking News

Delagasyon Konsèy Sekirite Nasyonzini an Rive Ayiti


Yon delegasyon Konsèy Sekirite Nasyonzini rive Ayiti mèkredi apre midi 13 avril la pou ankouraje travay fès mentyen lapè a (Minustah) kap eseye mete estabilite nan repiblik antiyè a apre ranvèsman ansyen prezidan Jean-Bertrand Aristide kap viv kounye a an'n egzil nan Afrik Di Sid. Anbasadè brezilyen Ronaldo Sardenberg--ki se chèf delegasyon an--presize gwoup la ap pase 4 jou Ayiti. Misyon l'Onu an rive nan moman Konsèy Sekirite a ap prepare l' pou l' vote yon pwojè rezolisyon ki pral pwolonje manda twoup Minustah yo nan peyi a. Manda misyon estabilizasyon Ayiti a ap bout nan fen mwa me a.

Sòlda l'Onu yo ak gouvènman pwovizwa a ap redi pou yo kontwole zak vyolans kap sakaje Ayiti depi chut m'sye Aristide nan mwa fevriye 2004 la. Dapre anbasadè Sardenberg, sitiasyon ki ekziste an'n Ayiti a se yon sitiasyon "malouk" anpil.

Ale sou ralonj anlè atik la pou n' koute korespondans Rotchild François jr. a

XS
SM
MD
LG