Accessibility links

Breaking News

Spò Aktyalite 4/11/05 miz'ajou


Atletis

Konsèy Federasyon Atletis Amatè Entènasyonal la, ki sot reyuni nan Doha, Katar vle pou elimine règleman sou demaraj antisipe pandan dewoulman ofisyèl yon konpetisyon. DApre règleman aktyèl yo ki ekziste depi 2 zan--premye fo demaraj tout kourè resevwa yon avètisman kèlke swa atlèt ki komèt erè a. Atlèt ki fè fo demaraj la diskalifye. Ansyen règleman yo responsab yo te pèmèt chak atlèt komèt yo fo demaraj epi diskalifye pou yon 2 zièm.

Federasyon an deside tou atlèt ki chanje nasyonalite yo dwe tann 3 zan avan pou yo reprezante nouvo peyi dadopsyon an. Periòd la kapab redui a 12 mwa sèlman si federasyon konsène yo siyen yon akò antre yo. Kongrè ki gen pou dewoule nan Helsinkin pandan dewoulman chanpyona Atletis mondyal la gen pou pwononse l sou desizyon Konsèy Atletis Amatè Entènasyonal Mondyal la sot adopte.

Kourè Danwa Wilson Kipketer anonse lap pran retrèt li apre li finn patisipe nan konpetisyon Europeyen an an lan 2006 nan Gothenburg an Swèd. Kipketer pap patisipe nan konpetisyon atletis mondyal ki gen pou dewoule ane sa a nan Helsinki Findland. Yon lòt kote kourè Kenyan Salim Kipsang ranpòte 29 vièm edisyon maraton Pari a pandan ke Rus Lydiya Grigoryeva ranpòte kategori meda m yo. Kourè Kenyan yo fè koukouwouj sou Maraton Rotterdam nan yè Dimanch la. Kenyan Jimmy Muindi ak konpatriòt li Jackson Koech ak Felix Limo fini nan tèt konpetisyon an. Lakay meda-m yo se Olandè dorijin Kenyan Lornah Kiplagat ki ranpòte kous la.

Football

D-C United fè match nul 1 a 1 ak Chikago Fire Samdi sa a nan kad 2 zièm jounen chanpyona nasyonal balonwon ameriken. Antrenè Chikago Fire a Dave Sarachan di: " li desu le fè ke nou konsede yon gòl nan premye mitan an men ti msye yo te reprann konfyans --nou choute kèk boul--nou egalize menm lè nou rate kèk opòtunite-- mwen kwè rezulta a bon pou nou."

D-C United ap sèvi ak rankont la kòm yon match preparasyon avan yon rankontre ak klub Meksiken Chivas Mèkredi nan kad semi final retou chanpyona Konkakaf dè klub ak chanpyon ak vis chanpyon an. Antrenè Peter Nowak di: "Ni li menm ni jwè yo pa kontan du tou ak rezulta match la--nou rate twòp opòtunite akoz nou gen anpil match pou n jwe--donk nou pa kapab rate chans sa yo."

Nan kèk lòt rankont Landon Donovan make 2 gòl nan viktwa 3 a 1 Los Anjeles Galaksi ranpòte devan devan Real Salt Lake. New England Revolution woule Colombus Crew 3 a 0. Kolorado Rapids fè match nul 0 a 0 ak F.C. Dallas. Nan klasman Jeneral la New England Revolution pataje premye plas la ak 4 pwen men ekip New England la gen yon avantaj gòl diferans. Kansas City ak Colonbus Crew gen 3 pwen yo chak epi Metro Stars ak Chikago Fire genyen 1 pwen yo chak. Nan Konferans de Lwès la F-C Dallas nan tèt group la ak 4 pwen answit nou jwen Los Anjeles Galaksi ak 3 pwen. San Jose Earthquake gen 2 pwen epi Kolorado Rapids, Chivas USA ak Real Salt Lake gen yon 1 pwen yo chak.

An Euròp Milan A.C. ak Chelsea gen tout atou pou yo kalifye pou match retou kar de final Lig dè chanpyon Europeyen an kap dewoule demen ak Mèkredi. Milan A.C te ranpòte match ale a 2 a 0 fas a Inter de Milan pandan ke Chelsea te woule Bayern de Munich 4 a 2. Juventus de Turen, ki te pèdu match ale a 2 a 1, ap rankontre ak Liverpool. PSV Eindoven ap rankontre ak Lyon--2 ekip yo te fè match 1 a 1 nan match ale a.

An Espay Real Madrid suprann F.C Barselòn ak yon swif 4 a 2 nan stad Santiago-Bernabeu Dimanch--viktwa ki retade posibilite pou Barselòn ranpòte chanpyona a--viktwa ki louvri wout la pou Real Madrid konsève chans li. 74 mil fanatik te fè deplasman pou al asiste rankont la. Zinedine Zidane, Michael Owen, Raul, Ronaldo figure pami jwè ki make gòl pou ekip Madrilè n nan. Ronaldinho ak Samuel Eto’o make gòl an favè Barselòn.

Tennis

Numewo 1 tenis mondyal feminen an ameriken Lindsay Davenport ranpòte tounwa tenis Bausch and Lomb la ki tap dewoule nan Zile Amelya an Florid. Davenport te bezwen 2 tie break pou l kale Italyen Silvia Farina Elia 7-5, 7-5. Davenport ajoute nonn ansanm ak Martina Navratilova, Chris Evert, Steffi Graf ak Gabriela Sabatina kòm jwè ki ranpòte konpetisyon an 3 fwa

Cyclisme

Siklis Bèlj Tom Boonen ranpòte kous bisiklèt Pari-Roubaix a an Frans.

NBA

New York Knicks ranpòte yon viktwa de justès an pwolongasyon devan Indiana Pacers 113 a 112 malgre viktwa a New York Knicks pap kalifye pou faz final la aloske Indiana toujou nan kous la pou l jwen youn nan 8 plas ki disponib pou konferans de Lès-la. San Antonio Spurs ranpòte yon viktwa ala dènyè minit devan Golden State WArriors gras ak yon 2 pwen franse Tony Parker make nan fen 2 zièm pwolongasyon an 136 a 134. Memphis Grizzlies raproche l pou l ta kalifye pou faz final la apre viktwa 102 a 95 yo ranpòte devan Charlotte Bobcats. Miami Heat tonbe a domisil apre 18 viktwa--fwa sa a Detroit Piston vide dlo sou Heat yo pou l ranpòte yon viktwa 80 a 72. Los Anjeles Lakers tonbe devan Sakramento Kings 124 a 105 epi Portland Trail Blazers woule New Orleans Hornets 90 a 81.

XS
SM
MD
LG