Accessibility links

Breaking News

Spò Aktyalite 3/31/05


NBA

Chikago Bulls ranpòte 7 tièm viktwa afile l apre yo kale Charlotte Bobcats 102 a 99. Dallas Maverics ranpòte yon viktwa tou mens devan Boston Celtics 112 a 100. Isit Washington Gilbert Arenas make 36 pwen nan viktwa de justès Wizards yo ranpòte devan Atlanta Hawks 102 a 99. Phoenix Suns danse sou Philadelphia 76ers 116 a 87 pou l ranpòte tit divizyon Pasifik la. Detroit Pistons pilon-nen Sacramento Kings 99 a 82. Orlando Majik woule Toronto Raptors 108 a 96. Houston Rockets pat bay Portland Trail Blazers oken chans ak yon viktwa 100 a 84. Golden State Warriors te rankontre difikilte pou l kale Milwaukee Bucks 113 a 109. New Jersey Nets danse sou Los Anjeles Clippers 95 a 78. San Antonio Spurs pase sou Seattle Supersonics 89 a 76. Denver Nuggets fè Utah Jazz monte yon maswife ak yon viktwa 109 a 98.

Football / Koup du Mond

Balon te woule sou tè a yè Mèkredi a nan kad match kalifikatif koup du mond Almay 2006 la. Nan zòn KONKAKAF la Etazuni kale Gwatemala 2 a 0, Meksik fè match nul 1 a 1 ak Panama nan Panama City, Costa Rika fè match nul 0 a 0 ak Trinidad and Tobago nan Port of Spain.

Nan Amerik du Sud la Brezil fè match nul ak 1 a 1 ak Urugwe. Paragwe kale Chili 2 a 1. Arjantin kenbe tèt klasman jeneral la apre viktwa 1 a 0 yo ranpòte devan Kolonbi. Perou fè match nul 2 a 2 ak Ekwatè.

Sou kontinan Europeyen an, La Frans nan pwoblèm apre yo fè match nul 1 a 1 ak Izrayèl. Tuki danse sou Jòrji 5 a 2. Nan Kyèv Ukrèn ranpòte yon viktwa mens 1 a 0 devan Danmak. La Rusi fè match nul 1 a 1 Letoni. Republik Chèk pilon-nen Andor. Kwasi ranpòte yon bèl viktwa 3 a 0 devan Malt. Nan Bratislava Portugal fè match nul 1a 1 ak Slovaki.. La Swis kale Chipr 1 a 0 san bliye Espay fè match nul 0 a 0 ak Sèbi e Montenegro.

Tennis

Amelie Mauresmo pral kwaze rakèt ak bèlj Kim Clijsters pandan ke Venus Williams pral marye rakèt ak Rus Maria Sharapova nan semi final tounwa tenis Key Biscayne nan eta Florid. Bò kote mesye yo Swis Roger Federer ap rankontre ak Tim Henman. Ameriken Andre Agassi pral kwaze rakèt ak konpatriòt li Taylor Dent nan kar de final tounwa a jodi a.

XS
SM
MD
LG