Accessibility links

Breaking News

Spò Aktyalite 3/29/05


NBA

Orlando Majik ranpòte 2 zièm viktwa yo pandan 12 rankont 109 a 102 fas a Atlanta Hawks--viktwa ki konsève chans yo pou kalifye pou faz final la. Philadelphia 76ers, ki nan kous la pou faz final la, tonbe devan Sakramento Kings 118 a 109. Phoenix Suns danse sou Denver Nuggets 123 a 114. Houston Rockets wouze Utah Jazz 99 a 85. Washington Wizards kale Cleveland Cavaliers ak yon viktwa 114 a 106.

Tennis

Pou la premyè fwa depi anviwon 2 zan Serena ak Venus Williams pral kwaze rakèt nan kar de final tounwa tenis Key Biscayne nan. Venus pa bat Serena depi lan 2001. Bò kote mesye yo Ameriken Andre Agassi, Swis Roger Federer, Britanik Tim Henman ak Arjanten Gaston Gaudio ranpöte la viktwa.

Box / Duran

Ansyen boksè Panameyen Roberto Duran ap repoze l lakay li apre li te sot tonbe sou yon motosiklèt.

JO 2012

Dapre yon sous ki pwòch komite evaluasyon Komite Olempik Entènasyonal la sanlbe Lond, Pari ak New York ta klase an tèt de lis pou òganize je zolenpik dete yo an lan 2012. Komite Olenpik ap anonse gayan an an Juyè 2006.

Football

La Frans ki sot fè match nul ak la Swis ta dwe ranpòte rankont match kalifikatif koup du mond yap jwe ak Izrayèl demen Mèkredi a si yo vle konsève chans pou yo kalifye pou koup du mond Almay 2006 la.

Nan Amerik du Sud la jodi a Bolivi ap rankontre ak Venezuela. Demen Mèkredi Paragwe kont Chili, Arjantin fas a Kolonbi, Perou fas ak Ekwatè epi Brezil kont Urugwe.

Nan zòn KONKAKAF la Kosta Rika pral lakay Trinidad and Tobago. Etazuni ap akeyi Gwatemala epi Panama ap akeyi Meksik.

Venezuela / Maradona

Football Arjanten Diego Maradona rive nan Venezuela kote li pral rankontre ak lidè ak 4 lidè rejyon an. Maradona, ki gen pwoblèm kè ak nan fwa, ap rankontre Hugo Chavez, Fidel Castro, Preme Minis Espayòl Jose Luis Rodriguez Zapatero, prezidan Kolonbyen Alvaro Uribe ak prezidan Brezilyen Luis Ignacio Lula da Silva. Nouvèl yo pa di ki sujè responsab politik yo pral diskute ak ansyen footbalè a.

XS
SM
MD
LG