Accessibility links

Breaking News

Tranblemanntè nan Peyi Iran: Plizyè Santèn Moun Mouri


Efò sekou ap kontinye nan pati sid-ès Iran, aprè yon gwo tranblemanntè te detwi plizyè ti bouk madi a e touye omwen 500 moun. Plizyè milye moun ki sòti vivan nan dezas la, pase nuit yo nan abri pwovizwa, anba yon lapli glase e yo santi dè douzèn ti soukous dèyè manman.

Otorite iranyen yo fè konnen solda gouvènman an wete 2 dam vivan anba debri yo nan yon vilaj izole. Daprè menm otorite yo, kantite moun ki mouri nan tranblemanntè a --ki te mezire 6,4 sou echèl Riktè a-- kapab ogmante oferamezi ekip sekouris yo ap rive nan zòn ki byen lwen nan pwovens Kerman.

Elizabeth Byrs, yon fonksyonè l’ONU, ap eksplike entèvansyon òganizasyon mondyal la, avèk Kwasan Wouj iranyen an, an favè moun ki sinistre yo. Klike sou lyen anwo tèks sa a pou w ka tande kòmantè Miss Byrs fè bay Radio des Nations-Unies.

XS
SM
MD
LG