Vandredi 18 fevriye 2005 la premye minis Gérard Latortue te bay yon konferans nan Miami eta Florid sou enpòtans revolisyon ayisyèn nan pou nwa toupatou. Li te bay konferans sa a sou envitasyon yon lekòl nan Miami Dade.
Nan yon entèvyou Msye Latortue bay jounalis Lavwadl̂amerik Ronald César, li di Ayiti prè pou l fè eleksyon. Li eklèsi dout yon otorite ameriken lague sou eleksyon yo. Chèf sèvis ransèyman Etazini an Porter Goss, te deklare devan sena a nan mitan mwa fevriye a “li poko klè si eleksyon lejitim ap ka fèt alè an novanm 2005 la ann Ayiti, menm si peyi sa a jwenn sipò kominote entènasyonal la.”
Msye Latortue reponn pou l di li envite Msye Goss al vizite Ayiti pou l ka wè ak pwòp je l reyalite a sou tèren an, e ke eleksyon yo ap fèt kanmèm. Msye Latortue defann dosye dwazimen gouvènman l lan; li denonse plizyè ansyen sòlda li di k ap komèt move zak; li di gouvènman l lan mentni entansyon l pou l lanse yon manda kont ansyen prezidan Jean-Bertrand Aristide.