Accessibility links

Breaking News

Spò Aktyalite 2/09/05


NBA

Memphis Grizzlies pwofite de move pèfòmans Minesota renmèt pou l ranpòte yon viktwa 108 a 96. Boston Celtics tonbe devan Milwaukee Bucks 121 a 97. Chikago Bulls ranpòte yon viktwa tou mens devan Dallas Mavericks 107 a 100.

Basketball Univèsitè

Univèsite Illinois rete sèl Univèsite ki poko pèdu oken rankont apre Univèsite Boston tonbe devan Notre Dame 68 a 65. Illinois evite yon defèt fas a Michigan ke yo kale 57 a 51. Illinois gen yon palmarès 24 viktwa 0 defèt pandan ke Boston gen yon palmarès 23 viktwa 1 defèt. Pittsburgh kale St John 55 a 44.

NBA ALL-STARS

Responsab yo nan NBA a publiye lis rezèvis match tout vedèt ant Konferans de Lès la ak Konferans de Lwès-la. Dwayne Wade kap jwe nan Miami Heat, Gilbert Arena ak Antwan Jamison kap jwe nan WAshington Wizards, Amare Stoudemire kap jwe nan Phoenix Suns ak Rashard Lewis, Seattle Supersonics. Nou jwen tou Lithuanyen Zydrunas Ilgauskas, Cleveland Cavaliers. Ben Wallace, Detoit Pistons Jermaine O’Neal, Indiana ak Paul Pierce kap jwe nan Boston Celtics. Nan tèt konferans de Lès la nou jwen Lebron James kap jwe nan Cleveland Cavaliers. Rezèvis konferans de Lwès la Kanadyen Steve Nash kap jwe nan Phoenix Suns, Ray Allen Seattle, Alman Dirk Nowitzki kap jwe nan Dallas epi Shawn Marion nan Phoenix Suns. Gen yon total 6 jwè etranje pou match ekzibisyon tout vedèt yo menm kantite ki te genyen an lan 2003 ak 2004.

Grès / Football

Seleksyon nasyonal Football Grèk la trouve l nan yon situasyon kote li dwe ranpòte yon viktwa jodi a fas a Danmak. Grèk yo te pèdu match douvètu a kont Albani 2 a 1 avan yo te ranpòte yon viktwa ak 2 nul nan group 2 a. Se sèlman 2 premye nan 8 group yo kap kalifye ak 2 meyè 2 zièm yo.

Football / Ronaldo

Fanatik football yo nan Hong Kong asiste defèt seleksyon lokal la subi devan Brezil 7 a 1 nan kad yon match amikal chofe jarèt ki jwe ant 2 seleksyon yo. Brezilyen yo ranpòte viktwa a malgre absans Ronaldo ki pat fè deplasman an ak seleksyon Brezil la. Ricardo Oliveira, Roberto Carlos ak Robinho tout make gòl an favè chanpyon du mond an tit la. Antrenè Brezilyen Carlos Alberto Parreira di li te eseye konvenk Ronaldo pou patisipe nan rankont la men dirijan Real Madrid yo pa dakò. Brezilyen yo jwe rankont la an preparasyon pou pwochen match kalifikatif koup du mond yo gen pou jwe kont Perou ak Urugwe mwa pwochen an pou zòn Amerik du Sud la.

Japon kale Kore du Nò 2 a 1 nan kad match kalifikatif koup du mond pou zòn Azyatik la. 2 ekip yo ap rankontre le 8 Jwen nan group B a. Nan lòt rankont Kore du Sud tronse Koweit 2 a 0 nan Seoul. Arabi Sawoudit fè match nul ak Uzbekistan nan group A a.

Se jodi a ekzagonal final eliminatwa koup du mond Almay 2 mil 6 la ap demare nan zòn KONKAKAF la kote Etazuni ap rankontre ak Trinidad and Tobago ki sot selebre kanaval. Panama ap akeyi Gwatemala san bliye Kosta Rika pral mate balon fas a Meksik nan San Jose.

Match amikal entènasyonal Venezuela ap pare pou l akeyi Letoni jodi a nan Makarayibo. Venezuela gen pou rankontre ak Kolonbi 26 Mars avan yo rankontre ak Bolivi le 29 nan Marakayibo nan kad match kalifikatif koup du mond pou zòǹ Amerik du Sud. Letoni ap prepare pou l rankontre ak Slovaki 26 Mas epi le 30 Mas kont la Rusi nan kad match kalifikatif koup du mond pou zoǹ Europeyen an.

Jeux Commonwealth 2010

Prezidan Federasyon Je Commonwealth yo Michael Fennel deklare li satisfè ak preparatif responsab spòtif End yo ap fè pou òganize je Commonwealth yo an lan 2 mil 10.

USA / Volleyball

Chinwa Lang Ping non-men kòm nouvo antrenè seleksyon nasyonal volebòl feminen ameriken an apre Toshi Yoshida demisyone.

XS
SM
MD
LG