Accessibility links

Breaking News

Spò Aktyalite 2/2/05


NBA

Washington Wizards tonbe devan chanpyon sòtan an Detroit Pistons 105 a 96 gras a Chauncy Billups ki make 28 pwen pou Pistons yo. Jason Kidd bò kote pa l make 26 pwen msye fè 13 pas ki make pwen pandan li trape balon an 9 fwa nan viktwa 107 New Jersey Nets ranpòte devan Chikago Bulls. Steve Francis make 30 pwen nan viktwa de justès Orlando Majik ranpòte devan Cleveland Cavaliers 105 a 102. Los Anjeles Lakers danse sou Portland Trailblazers 92 a 79. Miami Heat tonbe devan Dallas Mavericks 109 a 104.Milwaukee Bucks ranpòte yon viktwa tou mens devan Minnesota Timberwolves 91 a 86.

Dopaj Ayhan

Chanpyon mil 500 mèt Europeyen Turk Sureyya Ayhan resevwa yon suspansyon 2 zan akoz antrenè ak mari manmzèl ta vyole règleman sou dròg tès yo. Dapre nouvèl yo antrenè atlèt la ak tout mari te kanpe an kwa pou anpeche yon responsab Ajans Anti Drög Mondyal antre nan twalèt kote atlèt la tap bay yon echantiyon urin. Antrenè atlèt Turk la ansanm ak mari l di yo prale an apèl ak desizyon an. Ajans Anti Dopaj Mondyal la mande Komite Olempik Turk la pou l pran lòt desizyon.

Dopaj/ Nouvèl dekouvèt

Responsab yo Ajans Anti dopaj Mondyal la di yo dekouvri yon nouvo steroyid ki kapab evite depistaj yon dròg tès nòmal. Nan yon telekonferans ki bay nan Montreal Kanada yè Madi a otorite yo dekri pwodui a ke yo rele Desoxy-Methyl Testosterone (DMT)--yon dròg ki sanble ak dròg Tetrahydrogestrinone ( THG) ki nan sant eskandal laboratwa BALCO ki anba akuzasyon li ta distribue dròg bay yon seri de atlèt ameriken ak lòt etranje. Ajans Anti Dopaj la di juska prezan oken atlèt poko teste pou uzaj nouvo steroyid DMT a.

Porto/ Nouvo Antrenè

Responsab klub Portugè Porto revoke antrenè espayòl Viktor Fernandez apre 6 mwa li pase ap antrene ekip-la.. Fernandez di desziyon an suprann li akoz Porto klase 3 zièm nan chanpyona premye divizyon Potugè a.

Match Amikal Entènasyonal

Seleksyon football maskulen Japonè a woule la Siri 3 a 0 nan kad yon match chofe jarèt nan Saitama O Japon. Se dènye match preparasyon Japonè yo ap jwe avan yo rankontre ak Kore du Nò Mèkredi nan kad faz final eliminatwa koup du mond Almay 2 mil 6 la pou zòn Azyatik la.

XS
SM
MD
LG