Accessibility links

Spò Aktyalite 1/25/05


Tennis

Numewo1 tenis mondyal maskulen Swis Roger Federer te bezwen 100 minit pou l suprann bonanj ameriken Andre Agassi 6-3, 6-4, 6-4 pou l kalifye pou semi final tounwa tenis Gran Shelem Open Ostrali a--defèt ki mete fen nan tantativ Agassi tap fè pou l te ranpòte tounwa tenis Open Ostrali a pou yon 5 kièm fwa. Federer, ki ranpòte 26 zièm viktwa afile l, pral rankontre nan semi final la ap Rus Marat Safin ki te bezwen 3 manch pou l debarase l de slovak Dominik Hrbaty 6-2, 6-4, 6-2.

Bò kote meda m yo ameriken Serena Williams pat rankontre twòp difikilte pou l kapote franse Amelie Mauresmo an 2 manch 6-2, 6-2. Serena pral rankontre nan semi final la ak Rus Maria Sharapova.

NBA

Allen Iverson make 45 pwen epi fè 11 pas ki make pwen pou ede Philadelphia 76ers tronse Miami Heat 106 a 98. Viktwa a pèmèt 76èrs yo pran tèt divizyon Atlantik ak yon palmarès 19 viktwa 21 defèt. Minnesota ranpòte yon viktwa tou mens devan Detroit Pistons 86 a 83. Houston Rockets kale Orlando Majik. Washington Wizards remonte yon defisi 17 pwen pou l kale Cleveland Cavaliers 107 a 97.

Football / Etazini

Antrenè seleksyon nasyonal footbal ameriken an, Bruce Arena, konvoke 28 jwè ki pral patisipe nan staj antrenman an preparasyon a ekzagonal final koup du mond Almay 2 mil 6 la zòn CONCACAF la. Ameriken yo ap jwe premye rankont yo fas a Trinidad and Tobago 9 Fevriye--yon jou apre festivite kanaval yo fini nan Trinidad. 3 premye yo ap kalifye pou faz final koup du mond-la--4 trièm nan pral jwe yon match de baraj ale/retou ak peyi ki klase 5 kièm sou kontinan Azyatik la.

Je Zolenpik Divè 2014

Komite Olempik Otrich la seleksyone vil Saltzburg kòm kandida pou òganize je zolempik divè 2014 yo. Komite Olempik Entènasyonal la ap seleksyone peyi òganizatè a an lan 2007.

XS
SM
MD
LG